~~~~~前傳~~~~~

此希臘行，是很久很久以前我和楊小姐(現時是我的太太了)

的一個約定。她說過，渡蜜月一定要去希臘。

而於小島上又一定要我駕著綿羊仔載她四圍去。

(各位於當年問過我又話過我做乜無啦啦考電單車牌的朋友們現時明白了麼？)

Greece 希臘
無盡的藍天白雲、白色小屋、小島、愛琴海、神殿…希臘的 Icon.

小弟有幸於 06年6月到希臘玩了15日，真不想回港，繼馬爾代夫之後又一大力推介之最佳旅遊點。
此文明古國集古蹟文化於於一身，玩 Island Hopping (島嶼遊) 更驚喜萬分，每個島嶼皆有其獨特之處，拍友快門肯定停不了！
　

旅遊季節
四月 ~ 10 月。7~9月最旺，4~6月小旺季，酒店機票船票都平D又唔會咁易滿。
日光非常猛烈，晒到痛，陽光好似會大啖大啖咬你咁，基本上由出門晒到日落，又無乜雲遮擋，男女都要做好防晒，搽太陽油 / 防晒，戴帽，長袖衫擋太陽。
夜晚有風，會涼涼地。十分之乾燥，我從來唔搽 Lotion 的都要狂搽 Baby Oil，無時無刻都要勁飲水。
其他月份會凍，好多島都 close, 無船去。

食物
我自已己係超級垃圾站，食足兩個禮拜都頂唔順，十分掛念香港的茶餐廳，唔好抱任何期望會有正正 Greek Food。
水：全部飲樽裝水

消費
一 D 都唔平。二人去玩計，唔計機票，全包要預每人每日洗 100~120 Euro，連交通食宿。

我的參考書籍
Lonely Planet
Mook 自遊自在 No.84 希臘•愛琴海

我的攝材
Nikon D70s
Nikon AF-S DX 10.5 F2.8 Fisheye
Nikon AF-S DX 12-24 F4
Nikon AF-S DX 17-55 F2.8
Nikon AF-S 70-200 F2.8 VR
Nikon SB-800, 線控, CPL II, 漸變灰
2G CF + 30G 儲相器,全部影 RAW + jpg, Color Mode IIIa
Velbon 530 碳腳 + 71Q ballhead
Lowepro Stealth Reporter 300AW + Backpack Harness + Lenscase 4

拍攝 setting 注意事項
日光時間很長晚上8時多才日落，島上注意早、午、晚陽光方向，有好多靚景需要一大早影先有最好的 lighting, 我錯過了很多，特別係SANTORINI Oia, Firostefini 兩個藍頂 church！(可參考 post card 的拍攝手法，我最愛的希臘風光攝影師是 Georges Meis)
因景物太多白色，太陽直照下一定要目及住 Histogram 唔好俾佢爆！
日光直射之下我的 Default Setting 為 M-mode, ISO200, 1/1250, F8，睇 Histogram 再調整。

我的全部希臘旅相簿
06年06月 希臘愛琴海蜜月之旅

我的主題攝影集
希臘之旅 (I) - 希臘街貓
希臘之旅 (II) - 希臘階梯
希臘之旅 (III) - 希臘咩直
希臘之旅 (IV) - " Peoples"
希臘之旅 (V) - 藍與白之國度
希臘之旅 (VI) - 晴空萬里

~~~~~出發！~~~~~
由香港飛往阿母斯特丹轉機往雅典。機窗外的 Aerial View 美得我看傻了眼。

坐飛機坐到戇居居，半夜三更到雅典，乘的士到市中心預定的酒店。
翌日下午起床望出窗外，似曾相識？！


梳洗完，外出找東西吃。走進一家地道到不得了的餐廳全部本地人，眼見個個都食 Stuff Tomato 我倆口子又食先，都幾好味 (後來發覺 Stuff Tomato 係Greek Food 裡面最好味的東東！)


食完埋單問路，影o下個廚師同廚房先:cool:


坐 Subway 到市內，到 Syntagma 憲法廣場看無名戰士之墓換衛兵。


太陽非常猛烈，坐下喝杯咖啡，看看 Guide Book


當地人像是十分悠閑似的


按著地圖到書中介紹的當地旅行社買翌日早上的船票及10日後回雅典的兩晚酒店，精彩的島嶼行 (Island hopping) 很快開始了！
實用網頁，可 check 船的航班及價錢 ---- www.greekferries.gr

街頭雜影


旁晚到了衛城區的山丘上看日落


遠觀神殿


晚上到衛城下的餐廳用膳，回酒店 pack 好行李，good night.

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>
第二日天未光就 check-out, 搭第一班地鐵到 Pireas 總站乘船往 米克諾思島 Mykonos，船程 6 小時，我們選搭最早的一班可在船上小睡。

我們乘的 BlueStar 大船


船程中途的一個港口


船長


吹著海風好舒服！


到了Mykonos，性與夜生活之島。塘鵝、漁民、天體海灘，餐廳酒巴，不夜天。白屋一堆堆，小路，風車，紅圓頂教堂。

落腳地是 Hora 市。全市也是彎彎曲曲的窄巷，記得到旅客中心取張地圖 (十分簡單) 或 於便利店買 (又靚又清楚好多)。

我們住的 Hotel Philippi, 會留島上四天 (雙人房 40 euro / night, 因為唔係旺季, 去到先 walk-in booking)


Hotel Philippi 外的貓貓


四圍行，見到 Mykonos 的親善大使塘鵝先生，好大隻


於四天內影日落、租綿羊仔四圍去影相、飲飲食食好忙碌
(10 euro / day, 有些租車公司唔駛車牌都租得，我就帶著 HK 牌 + 國際牌，佢睇都唔睇，
只睇你張信用 card。又見好多鬼佬租 Smart 小車 及沙灘四駒車)

窄巷一影 (為此行而買的 AFS 12-24 大派用場了！)


巷邊滿是小店餐廳酒巴


Mykonos Hora 地標 5 個風車


紅頂教堂及密密麻麻的白屋


四圍都見到塘鵝家族成員


必影的Paraportiani Church
Hints: Paraportiani 於早上是正光，下午是逆光，有唔同 feel，記得上下午都要走一趟。呢張係逆光。
下午有餐廳的人於 Church 後灘清洗海鮮，會吸引大批海鷗飛來飛去，想影 Church + 海鷗 就要等呢個時機了！

又有你份？

餐廳的人於 Church 後灘清洗海鮮


隨處可見的 Farmer & Donkey

海灘 Paradise Beach (要渣車或打的先去到)


於 Paradise Beach 回程途中


留於 Mykonos 的第三天我們去買翌日下午往 Santorini 的船票，o下？無晒平飛？得返貴飛。焗買。所以你地一知道行程就要盡早買船飛了。
第四日早上 Pack 好行李 check-out，留左 D 行李係酒店，趁早上坐左船去 Delos 行個圈先。

Delos 成個島無人住，全部古蹟，爛石頭，小弟就唔係好識欣賞了。
爛獅子像


爛石柱


Delos 博物館內的頭像


>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

轉眼間就到了 Santorini。據 Lonely Planet 所述，船會泊於舊碼頭，可坐騾仔 or Cable car 上 Fira 市。一落船，見其他旅客匆匆地上巴士，唔駛 10 分鐘D 人唔見晒。但眼見四周又無 Donkey 又無 Cable Car, 一問之下原來我地身在新碼頭，下一班巴士只會係下一班船到港時先出現，選擇只餘打的上 Fira了，Oh my God.
有一熱情鬼婆一直係我地身邊 sell 佢o個間 Villa Rosa, 又話好近 Fira，行 10 分鐘就到， 又好平喎，35 euro 一晚，又可以車埋我地去，仲可以睇o岩先住，住唔住由得我地。其實我們一心想住 Santorini 著名的崖邊酒店 (Caldera View 巨火山口的無敵海景)，但因打的上 Fira 都唔平，於是上左鬼婆架 Benz Van 仔。沿途佢熱情介紹 Santorini 景點，但點解明明有個路牌指左面去 Fira, 但我地轉右邊呢？嘩，車行了15 分鐘就到她的酒店了。當時已是下午6時多，我地決定先住一兩晚，再找崖邊酒店。落腳後我帶著攝影器材就起行了。唉，"行 10 分鐘就到" 意思係唔計由酒店行出大路口 (7~8 mins), 再行 10 mins. 到 Fira 邊皮，但要到 Fira 市中心又要行多 10 mins. 即係行半粒鐘先到。當時又有風，又凍凍地，行半粒鐘都幾甘。到了 Fira 市中心，成個遊客區咁，眼看個天色就快日落了。拉著太太快步找了條石級走落崖邊搵個靚位拍日落先。行落去崖邊，一路行心中一路嘩嘩聲，靚到呢，睇書睇相都約莫知道o個度係點，但身置其中時o個種美得震撼真是筆墨難以形容。四周很靜，只有附近餐廳傳來的談話聲、餐具碰撞聲。希臘人及遊客都喜於露天餐廳邊吃飯邊看日落。但崖邊好大風，直頭係凍，大家去時記得要著多件衫。

下午抵達 Santorini, 找到地方落腳背起器材就出發。去到 Fira 鎮，在崖邊拾級而下，一間間小白屋層層疊疊地堆建在面向愛琴海的崖上，時值日落華燈初上看得我呆透了~~ 還好，冷冷的海風吹醒了我，連忙架好相機拍下此照。


愛琴海日落並不是浪得虛名


拍完日落照，已是晚上 9時多了。與太太於崖邊找尋靚靚旅館，但好心灰意懶，一係就好貴，120 euro 一晚，平o個 D 60~70 euro/night 就 full 晒。行行o下搵到一間叫 Studios Caldera 的旅館 (Fira - Santorini, 84700, Tel/Fax: +30 22860 25166, e-mail: st.caldera@otenet.gr)，，兩日後有兩晚 available, 仲要唔貴 55 euro/ night, 即 book. 心情立時開朗，求其食 D 野就返 Villa Rosa 訓覺。

於Santorini 第二日。早上出門，先去 local traveling agent Book 翌日的 Santorini Excursion Tour(會坐隻古老帆船去看火山)，又買埋回雅典的船票。再租了綿羊仔於島上四圍去。

到酒莊試葡萄酒


Caldera View 的露天試酒坐位


到了其中一個 Red Beach


真是紅卜卜的土地


去到天涯海角咁遠的一座燈塔


燈塔傍的石頭


燈塔後一望無際的愛琴海


駕車回 Fira, 再戰 Fira 日落，昨天還未影夠呢！今次找一座教堂做前景。


見到一竇貓 B


哈，突然有一個影友急步而至 (中國人樣)，匆忙 set 腳架，但最有利的位置被我佔用了，而所餘位置又會被我擋著。我拍了一會就打手勢著他用我的位置。我見他用 D2X, Gitzo 0 號炭腳, Lowepro 袋，就多口問他,"From Hong Kong？","from Taiwan"他回答。本想又同佢吹o下水 (因為成個星期都只有同我太太傾計，唔計o個 D How much, thank you, Could you show me xxxx ..... 買賣問路對答)，可惜過了不久他又匆匆地走了。

拍下我倆口子的剪影


於Santorini 第三日。一早出門 Join Excursion。上了專用巴士，到碼頭上船。


先到火山島 Nea Kasmeni 短線遠足，島上的石塊全是黑色的。


再去地熱形成的海中溫泉，喜歡的話可以游水往溫泉。未到溫泉水很冷的！！


再到一個小港口食 lunch (自費)
成百幾蚊港紙非常難吃的兩條仔烤八爪魚鬚 及 魷魚仔。旺角$10 串好吃多了！


船程以 Oia 為終站。騎騾仔走石級上懸崖頂 (5 euro / head) 好玩過機動遊戲，必試。


Oia擁有「世上最美日落」的美譽。
等待看日落


Oia 日落景 (當時已是人山人海了, 不怎喜歡那麼多人，還是喜歡 Fira 那邊的日落)


太陽降下到水平線前全場只有快門聲。當蛋黃消失的那一刻，全場拍手，人群徐徐散去，十分有趣。
拍完日落乘專用巴士 回 Fira。執行李，明天搬竇去 Studio Caldera。

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>>

於Santorini 第四日。搬家了！


Studio Caldera 房外的美麗海景。


Studio Caldera 的 Studio


望遠 D ，部份(貴價)酒店有泳池，當然有D野睇o下。


下午，我們決定沿著涯邊由 Fira 走路往另一小鎮 Firostefini，開始尋找藍圓頂教堂之旅。
Hints: 地圖上有寫滿那裡有 Church，但無寫邊個有 Blue Dome邊個有特色 (當地 的Church多到不得了，好像 HK 7-11 咁多)，要逐個搵就玩一個月都唔掂。我們於紀念品小店買當地地圖，再指著明信片上的 Blue Dome Church 要求店主指出每個景點位置 (未必間間小店都知定，搵到個識的為止)
沿途拍下無數小品、特色建築、動人景致………

涯上小屋群全貌


魚眼看 Fira


旅人


小弟


Model Naska - 一間餐廳的部長。下午沒有客人時我和他拍了一輯相


特色小品






找到一個 Blue Dome Church 了！


一直拍至日落


在此其間，有個鬼佬一早已到正用 D50 影日落。見是拍友，吹0下水先。 (仲有另一個鬼佬用 DC 仔影。o個度只得我地幾個，應該唔係咁多旅客知點樣黎)

Robert the traveller - 美國人。電腦工程師。失業後決定周遊列國開始他的新事業 - 風光攝影師。剛起步，已留在希臘一個月了。
佢無帶腳架，因出發前弄傷膝蓋(他行走時還是一拐一拐的)，帶不了他的重型鋁腳，他會用各種方法去固定相機。他只有 limited budget, 不會住旅館，只會去一 D camp site 搭帳幕，不會怕被偷東西，一來無什可偷，二來 Camper Traveller 之間是有一種互助互信的特質。梳洗到青年旅社，食最 cheap既野。
我們交換了 e-mail 就分道揚鑣了。誰知之後於 Oia 又撞返佢！最後一次通訊他正在法國。
Robert The traveller 攝於 Oia

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

第五日於 Santorini。今天駕著綿羊仔去 Black Beach 晒晒太陽吹吹海風。下午到 Oia 尋找另一 Blue Dome Church.

去 Oia 的途中


在 Oia 的一角


Oia 的 Blue Dome Church. 上午正光才是此教堂的拍攝時機，又沒有那麼多看日落的人。


有隻貓行過


日落前一小時的人群


回 Studios Caldera, 預先 Check-out 及收拾行裝因明天一大早要走了。

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

第六日。一大早起來，到 Fira 的公車站乘車到碼頭。
Oh, 來到希臘第一次看到日出呢！太美了。
於公車站拍的日出


於回 Athens 船上拍下 Fira 的遠景。將來有否機會再來一遍呢？………


船邊的海鷗


<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

回到大都會雅典，現時人頭湧湧的碼頭區與今早的小島風情成一大對比。
留在雅典三日就會回港了。非常懷念小島的一切。


地下鐵


街頭一角


小島上四處也有貓，而雅典四處也是狗


車站一影


車站外一列一列免費報紙


車站外有印第安人賣印第安樂器純音樂 CD，註足觀看了很久，我也買了一隻


雅典娜神殿


圍城上遠觀現代雅典


新與舊


National Archaeological Museum 國家考古博物館






離開希臘了，在這渡過兩個星期，很快又回到香港這繁忙的大都會，一碗熱騰騰的雲吞麵正等著我！:D

<<<<<<<<<<<<<<<<<<<<<<<<<<<<< 完 >>>>>>>>>>>>>>>>>>>>>>>>>>>>>>>>>>>>>