|
008年6月13日 經過風風雨雨之後,總於可以睇紅館翻新前最後一個演唱會 -- Kelly Chen Love Fighters 2008. 由 nohead 兄安排,原本已用 $600 網上炒價買得 8/6 加場的第一行飛, 一生人都無乜幾多次可以睇第一行,以為發達啦,怎知賣加場飛撞著四川大地震, 聽聞兩場加場只賣出五千,主辦單位逼住要取消,雖可退回 $480,我地四個共蝕 $480! nohead 兄又再於網上找到$650四角握手位第一行 (row 9),連埋上次蝕水, 即係每張飛成本價要$770,呢次真係甘。 當日進場,座位前有欄河,又有一部大 camera會於我地前面轆左轆右, 但都算係最近,可惜小弟 D2Hs + LB5 已是最長組合, 加上 D2Hs 4百萬像素不能 crop 太多,大部份時間都係打 Kelly 全身。 點都好,大明星 concert 製作果然唔同,環節鋪排精彩過 Shirley Unexpected 多多聲。 今次影 concert 又有多少進步,係測光方面自已笨實 set 成點測 Kelly 面部減 0.7 ev! 又大安旨意唔 check histogram 搞到 under 左 D,唯有執相推返 EV 補救, 當然效果相對地無咁理想。下次又會醒目啦。另外,中焦率都係未夠高, 真係夠 sharp 既只得 1/3,光圈收唔夠,要收到 F4 先係路。ISO 就於 500~800之間,noise 可接受。 對比起同一位置同一角度影的 nohead兄,佢影低照度相的經驗真係多我唔知幾多百倍, 無論器材運用及構圖對焦測光可謂已快如閃電手到拿來,令小弟佩服萬分,真係要自我鞭策多加操練先得。 唔吹咁多,去片!
|