好耐無一班人有大有細去旅行,好夠熱鬧,雖然短短6日,但感覺玩左好耐亦去左好多地方,好滿足的! 每日都好好天,好夠曬,好夠夏天。 廣島間東橫實在方便,便利店,酒吧,食肆,shopping都係好近。 頭3日去齊廣島必去景點,跟住兔仔島,揸車上松江,境港,鬼太郎車站,出雲大社 再玩3日,剛剛好。
廣島七月 (之後八月大阪京都)
7月尾去完廣島松江有人話唔夠喉,要8月底走多轉,剛好嗰年9月3先開學,就9月2先飛返來啦!
我就去4日,佢地3個就玩5日,早我一日飛過去。
大阪間酒店仲要剛剛開張,第一天營業,全新,大家好滿意。
我記得我無寄倉行李,好free 咁上機落機,跟住搭JR去梅田join佢地。
之後幾日無嘜plan 過要去咩景點,租左車係京都大阪穿梭,淨係記得高速公路費好貴。
9月2日中午機返香港,點知過左一日大阪打風,運油船撞機場大橋搞到機場封左成個禮拜……咁大鑊!