琴日影完貓咪，今日諗起佢地都仲覺得好搞笑！
佢地唔單止個樣傻下傻下，好搞笑。佢地既行為亦非常搞笑。
首先貓咪俾主人嚇時，會即刻跌低在地，個樣勁驚。
跟住佢地又會自己同自己玩，會咬住自己條尾，係咁咬，唔通真係冇感覺？
當兩隻貓咪打交時，場面亦非常精彩，而最搞笑既一幕就係：我見到其中一隻貓咪收埋自己在梳化內，而另一隻又知喎！於是諗住走去襲擊佢，點知一跳上梳化，居然唔見左佢既！於是四圍咁望，咦！原來就喺自己後面！哈哈！佢果下個樣真係好戇居架！好鍾意呀！
而最抵死既係，我地走左，主人家送我地落樓準備搭車時，主人家收到同屋主電話，話因為我個friend去完廁所唔記得蓋廁板，所以其中一隻貓咪唔小心跌左落個廁所度。(哈哈！實在太搞笑lar！) 而佢既同屋主打電話黎，係要佢即刻返去幫手同貓咪沖涼。(貓咪好怕沖涼，上星期先沖完，而家又要沖，好慘呀！)
小貓咪，我好鍾意你呀！
