今次真係玩到盡,1月1日先返香港!搭飛機時,隔離走廊坐左個鬼妹仔,佢好得意,四圍行,我當然唔會放過機會,拎架相機出黎影相,不過佢郁身郁勢,確係好難影。到架飛機起飛時,佢仲唔肯坐,仲想走人,佢亞媽又抱住個細,所以冇佢辦法,我見到咁,就用隻手攔住佢,唔俾佢繼續行,費事架機有乜事,個細路會整親。好彩佢都算乖,攔一攔就唔再行。佢亞媽多謝我,跟住我都唔敢同佢玩,因為怕佢行黎行去,到時整親就唔好!
但係由於佢太得意,坐佢後面的一家人就不停同佢玩,大家非常開心!