琴晚訓訓下覺，突然覺得有人搞我隻手，跟住就有d野放左入我隻手度。
喂！咁樣好難唔醒架喎！
跟住亞媽就話：唉呀！我以為你醒左tim！
我睇一睇，原來係生日利是。哦！多謝晒！
今日既特別節目係同亞媽、亞爸出街食晚飯。呢個係大project黎架！亞爸好憎出街食晚飯架！根據我既記憶，我咁大個人好似只有兩至三次，而今次係打著同我食生日飯既旗號出去食晚飯喎！責任重大呀！
我諗爆頭，俾左幾間唔太遠，食得落口，估啱佢地口味既地方俾佢地選擇。感覺就係亞爸生日多過我生日。(是但lar！)
最後我地揀左好近既嚼江南。餐飯一家人食得幾開心呀！不過食飽之後，亞爸話唔多舒服要即刻返屋企，好lar！下次再出街同你地玩過呀！