自從個焗爐壞左，一直都冇買返一個。想焗野都係用微波焗爐個焗爐功能頂住先。
一直到上網揾食譜，發現個光波爐，好想好想買(因為講到功能好神)於是走左去睇！
嘩！好大舊，我屋企個廚房根本冇位(除非掉左個微波爐！impossible！)
咁就冷靜左一陣，有一日我終於忍唔住走左去豐澤，買左個爐，不過唔係光波爐，而係焗爐(呢個size細d，夠位放在廚房門外的矮櫃上喎！)而且價錢都只係三百幾，嘩！平成千蚊，整爛幾次再買過都得呀！haha~~~ 啋！
新爐落地係咁焗，焗完雞翼焗豬扒，跟住仲焗羊扒，我的喉嚨快要失火，我要理性一點，停停手先！
