« March 2024 »
MoTuWeThFrSaSu
 123
45678910
11121314151617
18192021222324
25262728293031
Thursday 05th July 2007 10:53:48 PM
37W5D Check Up[ 0 messages] 
General

今日心情有點緊張, 就好像學生等放榜既感覺, 因為我今天又要見醫生了, 經過了一個星期既"惡補", 終於有了一點成績..豆豆由上次大約5 磅左右既體重到今天5磅半, 我真就心安了許多, 今個week 係最後一個week 了, 我會盡力作最後沖刺..希望豆豆出世唔會太輕!!

Monday 25th June 2007 05:11:13 PM
36W3D Check up[ 0 messages] 
General

今天終於可預期見到Dr Yu 豆豆一切都正常, 但醫生說她在這兩個星期增長不是很多, 現在只有5多少少..(而我本身在這兩個星期都只有一磅增長), 真的有點失望呀, 本以為她會有很多的增長, 看完醫生後, wing 要我買媽咪奶粉飲, 盡下最後努力, 同埋要我早點休息..希望豆豆出來不會太輕.. 豆豆, 你乖乖要吸收多點, 唔好要媽媽爹爹擔心吧!!

Monday 25th June 2007 05:07:30 PM
Deborah 畢業禮[ 0 messages] 
General

今日係卓楠學校的畢業禮, 因為卓楠係其中一位領獎生, 所以有份參與, 我同wing 也有份被邀請到場, 其實當初收到通告話卓楠被選為 Nursery 禮貎獎學生時, 本以為是一班所有學生都有的獎項, wing 都話只係豬肉獎一個, 後來原來我們說錯了, 每一班只有一個學生攞這個獎 (除左禮貌獎”, 仲有一個叫清潔獎”), 而攞獎學生還要在特定日子回校作採排, 所以知道後呀wing 突然緊張起來, 又說要為卓楠影低他人生第一個獎的時刻, 又說要錄影..就好似卓楠大學要畢業似的..真係做左父母之後真係會變得白痴了!!

Friday 22nd June 2007 07:58:13 PM
一個星期的光景[ 0 messages] 
General

因為想在豆豆出生前把東西準備好, 故我決定攞一星期大假執野同休息一下, 但假期放完後回想, 只清晰記得每天必做的就是帶卓楠上學同接他放學. 之後做過甚麼就有點模糊了.. 

Thursday 21st June 2007 09:54:33 PM
失望而回[ 0 messages] 
General

今日原定會去Dr Yu check up, 點知我6:45pm 坐地鐵到醫務所附近就接到姑娘電話話醫生出去幫人接生..走了, 要再reschedule book,  本來抱著期待既心情去看看豆豆既生長情況, 所以有點失望.  點知姑娘仲未能比到一個booking ..我當時我真的覺得她們好不專業, 我己36週了, 她還可以把我再postpone one week 才有位給我..真的有點氣燌, 最後只可book 25 10..時間相當不好..我只好再攞多一天annual leave ..

 

Thursday 14th June 2007 11:48:47 PM
爸爸..懷念你!! [ 0 messages] 
General

老豆, 今天是你的死忌回想起, 你已離開我四年了, 但你臨走前的日子, 總覺不是很久之前的事很傷感, 很不捨呢!  老豆, 記得你走了以後, 每當在夢中見到你後, 睡醒時總發現眼角有淚印, 你知我有多掛念你嗎? 在夢中的你有多個模樣, 有時年青, 有時白髮, 有時還做了小朋友呢! 但我總是不能與你接觸, 令我好迷茫, 你究竟現在好嗎, 是否與上帝一齊呢? 還是你真的四處週遊列國呢? 無論怎樣, 你一定要開心哦!  你知嗎, 我已為你添了2個小孫兒, 每當我拿者你的照片問卓楠是誰時, 他會肯定的回答我公公”, 每每望到我窗外那顆閃亮的星星時, 會說媽媽, 呢粒係咪公公星呀?” (因為我對他說過你變了一粒星星看顧著我們) 我就會很想念你..好想你知你現在好嗎?  老豆, 我會將你對我的愛延續, 盡我一生, 帶給卓楠卓琳幸福.!  老豆, 記住有空就來我夢中比我見下你啦..”

Tuesday 05th June 2007 05:58:31 PM
踏入6月….期待豆豆的心情…[ 0 messages] 
General

終於踏入6月啦..仲有一個月多些就可以見到豆豆啦, 時間過得真快, 回想當初決定要為卓楠增添多一個伴, 之後bingo, 戰戰兢兢地守侯著豆豆的成長, 日子一日一日的過, 終於今天豆豆已將近34.  由細心觸摸才可隠約感覺到她的存在到現在她每一個舉動都可觸動我, 令我做任事都要停下來摸摸她 (因為實在動作超大, 大到有點痛哩) 整個進程實在令我覺得滿足, 心安.  而快將當第二任爸爸的, 更是很努力的為兩個心肝寶貝裝配新家俬, 為求一家四口能有一個安樂窩.. 現在一切都差不多安頓好, 豆豆的東西也是齊備了, 現在就好好的等待著與小豆豆見面.

隨著日子一日一日拉近, 心情也開始緊張起來, 見醫生的次數也頻密了, 希望豆豆在預期的日子出生 (不要過早令爸媽手忙腳亂)!!

 

Friday 01st June 2007 12:42:05 PM
卓楠發燒了..[ 0 messages] 
General

不知為何, 卓楠尋日一早突然有點發燒 (100.4c), 所以我們就給他吃退燒水, 今日所以為他請了病假在家休息.  而工人告知他很快已退燒了, 而且精神都好好但不知是否隔離屋裝修既氣味實在太濃而令到卓楠氣管敏感, 令他覺得很不舒服, 見他咳得很辛苦真係心痛. 好彩訓著後就沒有再咳.  但到半夜3點多時, 他手拿著他的EEYORE 過黎找我..我著他吃完奶奶後抱他回自己房間時發現他又再發燒, (100.4c), 所以我叫他再吃退燒水, 他真的很乖, 沒有哭鬧, 還告訴我他想尿尿, 所以我幫他尿尿完後氹他再睡還用暖水濕毛巾為他抺抺額頭同手腳 (因為見他手仔腳仔都是熱熱的, 令他難以入睡), 他終於可以安睡了, 當我過了一個多小時再去睇他時, 已退了燒. 睡至今早都沒有再睡.

卓楠今天開始返全日班, 但老師給他漸進式的安排, 在頭數日只在學校裡吃完午飯就可以返屋企, 然後再加長時間在學校睡午覺希望卓楠可以順利適應新既學校生活模式.

 

Monday 28th May 2007 10:32:02 PM
媽媽爹爹的結婚十週年紀念日[ 0 messages] 
General

今年係我同老公結婚十週年, 老公同我都好想買一樣珍貴既禮物紀念一下, 我地最終決定買一對sporty 錶留紀念.

我見SK 一直帶著一隻好別緻的手表, 所以我決定在網上搜集資料, 看看能否找到"心頭好", 終於比我在CORUM website 揾到啦..我print 了出來給老公看, 老公一睇便決定買了...

在紀念日當天我們相約在TST 看錶, 但失望而回, 因為原來不是很多錶行有我們想要的款式. 只好再等啦...

好在我問sk 有關呢隻品牌, 佢立刻幫我揾到代理, 得知TST Ocean Centre 既Elegant Watch and Jewellery 有我地想要既顏色同型號. 我地9秒9相約去睇貨.  就係咁, 我地就買左呢一對錶啦..哈..真係開心.  老公都好滿意.  我地仲攞左一個好好既折扣, 真係多得sk 幫手..嘻..

Monday 28th May 2007 10:07:38 PM
豆豆32週了..[ 0 messages] 
General

今天終於又到產檢既日子了, 今天我比較緊張, 因為除了要看看豆豆外, 還會看一個report, 因為上次驗尿唔理想, 所以要作詳細檢驗.

余醫生真的很好, 很細心,  他可能知我會擔心個result, 一見我便對我說"冇事" (原本一心諗住照完ultrasound 先問他), 只係可能因上次肚瀉而有點細菌感染, 沒有大礙當時真的安心下來

今日豆豆有41安士了 (1870g). 希望豆豆一直增磅理想..努力呀豆豆.

 

Sunday 27th May 2007 07:39:38 PM
卓楠生日 - 同舅父舅母入住Disneyland Hollywood Hotel 切蛋榚[ 0 messages] 
General

住左一晚...玩到好攰了...!!!

Thursday 24th May 2007 10:22:54 PM
卓楠的Chinese Birthday - McDonald 開Birthday Party[ 0 messages] 
General

勁開心...

 

Tuesday 22nd May 2007 11:20:19 PM
媽媽身體不適, 睇醫生[ 0 messages] 
General

May 22

 

糖尿測試不合格 - 擔心!

豆豆1.547g (3.64)

媽媽 133.76

Sunday 13th May 2007 10:14:33 AM
母親節真快樂[ 0 messages] 
General

今年母親節,我都收到野呀..係一枝康乃馨, 兩片心形bread (係佢親手整架, 不過我以為唔食得, 所以就只係影左相留念, 點知昨日家長會時老師話係可以食架...浪費左卓楠一片心機添... ), 仲有係一張卓楠整既咭! 不過最sweet 都係卓楠同我講"happy mother's day, mama I love you, then kiss 左我一啖.." 真係暈得一陣陣... 老公仲好羡慕咁話唔知father's day 會唔會咁sweet, 佢好look forward 呀...

Tuesday 08th May 2007 11:18:55 PM
卓楠識扣紐紐[ 0 messages] 
General

今天我著了一件全扣紐的睡衣, 我一向沒有扣衣領的習慣. 卓楠突然走近我, 和我說話, 一邊說, 一邊幫我扣回衣領的紐扣, 手法好自然, 好流暢, 扣好還對著我好滿足的笑, 我立刻大讚他叻叻.  可能佢見我讚他, 便每一粒紐佢都幫我鬆開再扣回真的好可愛呢. 使我突然想起McDonald 一個commercial 一個小女孩一邊學扣紐, 成功了滿足地吃她那薯條的片段.  真的很開心.

Tuesday 01st May 2007 10:59:53 PM
貼心的寶貝[ 0 messages] 
General

今天晚上在婆婆家吃飯前, wing 一留神把餐桌撞向我腳….令我即時痛到眼淚也跳了出來卓楠見狀即跑過來擁著我問過究竟..他問媽媽做咩事呀? 做咩喊呀.? 好痛呀? 咩野撞到呀? 邊問邊輕撫我的痛處還說呵番啦..唔好喊….當時真的很touching…他還攞tissue 為我抺眼淚呢我們還被取笑在演母慈子孝!  真的很好笑又好開心

Monday 30th April 2007 09:57:44 PM
28週產檢 Apr 30, 07[ 0 messages] 
General

今日又可以見到豆豆啦..醫生說豆豆一切正常, 我還見到她的小肥面肉, 醫生說今日她已有210安士了…豆豆你要努力增磅呀!!! 加油

Monday 09th April 2007 11:40:12 PM
老公又有大餐食…San Francisco Steak House[ 0 messages] 
General

今日係 Easter Holiday最後一天, god pa god ma 話要請Wing Birthday Dinner, 我地去TST 接他放工, 因為未夠鐘食Dinner, 我地就同卓楠去左 Toys R US買玩具, 買左一個gun game( crocodile), 然後去左北京道一號既San Francisco Steak House Dinner.  卓楠很乖巧地又同waitress 姐姐 waiter 哥哥打招呼, 表現得好好..在場的哥哥姐姐都不時走近同他玩整晩都食得好開心

Saturday 07th April 2007 11:48:05 PM
老公生日[ 0 messages] 
General

今日係老公生日, 但他因為要返工, 所以我同卓楠在lunch 時間就去TST 找他吃lunch.  最後連god pa and god ma 都來到我家一齊出發去找他..我地endup 去左 Dan Ryan 食左一個豐富午餐..之後我地同god pa god ma 分手後就坐車去angle 屯門屋企gathering...卓楠全日都玩得很開心...在坐taxi 回家途中已睡著了...

Wednesday 04th April 2007 10:21:44 PM
卓楠做表哥了[ 0 messages] 
General

今日我嫂嫂下午係浸會生左小b 女啦...卓楠做表哥了..dad dad 教他表妹名字, 講了幾次就記得了..表妹叫高靖喬..

Monday 02nd April 2007 10:15:07 PM
卓楠的美男廚房[ 0 messages] 
General

上個星期五係chicco 買左一座玩具廚房比卓楠, 今日終於送貨, 我一回到家, 只見卓楠好開心同埋緊張的樣子在描述新廚房的樣子..真的很好笑...這座廚房真的好靚, 用料很好.而且在煮食時仲會發出煮食的聲响, 真的好正!

見到卓楠不停的說要煮旦旦比我食, 真的好像一個小廚師哩..嘻..

Monday 02nd April 2007 11:19:35 AM
豆豆調頭了[ 0 messages] 
General

今日約了期到余醫生度做產檢...見到豆豆一切正常, 仲見到她那張肥肥的面珠仔, 真的好開心..醫生話她已調了頭.

我地已book 左7月14日, 下午四點 開刀生豆豆.  豆豆, 你要乖乖地要7月14日先好出黎呀..唔好比意外驚喜爹爹媽媽呀..

Saturday 24th March 2007 10:36:35 PM
親子旅行日 - 親子花香農莊 及鶴藪水塘[ 0 messages] 
General

今日同卓楠參加了Deborah 既親子旅行, 清早8時30分在學校集合. 卓楠特別開心, 一見到老師和同學就一直表現雀躍..沒有一刻可以停下來...(未完)

Thursday 15th March 2007 10:16:41 PM
卓楠笑語[ 0 messages] 
General

今日老公打電話比我, 邊笑邊說卓楠話他煩.  話說一早老公著卓楠換校服上學, 就說 卓楠..卓楠換衫啦…” 怎料卓楠走近爹爹便慢吞吞的說 唔好叫我….卓楠卓楠換衫啦”….便調頭走老公頓覺得呢個仔真係大個啦識話老豆長氣但又覺得他很可愛

Tuesday 13th March 2007 05:35:29 PM
結婚十週年禮物- BV Wallet[ 0 messages] 
General

老公昨日突然話要送一個新BV wallet 給我作為我們結緍十週年既禮物...起初我總覺得太貴而說不要了, 但是經老公再三提出, (因為他覺得又可以襯一下我新買來載cards 的小銀包)我當然亦要欣然接受啦..嘻...

今天lunch 後便叫winne 陪我一起去揀, 間shop 既sales 姐姐非常nice, 仲好靚靚添...她好有耐心介紹每一款我有興趣既款色..最後我揀到了...多謝$2,990 雖然有點肉赤, 但是也很開心哩!

Monday 12th March 2007 12:34:51 PM
卓楠識偷笑[ 0 messages] 
General

昨日卓楠睡時..我見他看似睡著了..那我諗住輕吻他然後離開, 但我見他咀角突然一翹, 在微笑...我本心諗, 咁快就發夢笑啦...點知當我著步離開時, 他卻即好嗲的叫"媽媽", "陪我"..此時我心即心知他原來知道我吻他而偷笑...他真的好可愛哩...

Monday 12th March 2007 11:52:53 AM
又見面了, 我的豆豆 - 仁安結構ultrasound[ 0 messages] 
General

21W2D

今日會去仁安見豆豆...真的很期待...

我同老公食在沙田食完lunch 就坐van 仔去仁安, 經過一輪登記同等侯, 終於見到醫生了...嘩原來要照好耐架..足足照左差不多半個鐘...在照ultrasound  期間, 豆豆不斷在肚內不停的轉, 令到我有時根本不能留心醫生講甚麼.  在醫生詳細講解每部份後, 豆豆一切正常, 而且確定是囡囡了..老公真的開心到不得了...!!即時顯得心情愉快..

照完後, 姑娘比回5張ultrasound 相片給我, 我留低了$1300 就離開了...

Wednesday 07th March 2007 05:39:15 PM
又有收獲 - 買BV[ 0 messages] 
General

前幾天, 朋友展示他的BV (Bottega Veneta) 小銀包 (散紙包) 很靚, 又合心水, 今日終於忍不住走去買了下來...很貴(2仟找20), 但是終於買到一個可以把我d VIP Card, Credit Card 都放得下的包包, 我覺得值得, 而且我所買的是限量版, 全港只有2 (sales 姐姐話的, 希望唔好扼我啦)

最好是老公見了都覺得好靚同埋幾特別...佢都讚我買得靚...不過佢冇話比番錢我喎...woo....

Saturday 03rd March 2007 10:52:32 AM
卓楠的臭豬腳[ 0 messages] 
General

不知何解, 卓楠總是每晚上床都要我為他除臭襪, 仲要我為他聞臭腳...不過見他在我為他聞臭腳时那張開心的笑臉...我每每心甘情願的為他做..哈哈..不知會否上隠呢?!

Saturday 03rd March 2007 10:45:44 AM
CNY Gathering with Simon's Family and Jessica[ 0 messages] 
General

今日Angel, Simon, Jessica 黎我地度玩, 最開心一定係d 小朋友啦...

Tuesday 27th February 2007 10:39:39 PM
可愛豬咀[ 0 messages] 
General

今日我每整一個豬咀對住卓楠, 佢總會用他的小豬咀鍚我..真係暈得一陣陣...最好笑係daddy 用同一方法想他錫, 他會用一個飛豬咀代替..氣得DADDY冇他辦法. 

God pa 又嘗試用此方法時, 佢用一本書擋住god pa 的咀才肯鍚他..我真是心開哩.因為卓楠的豬咀是我獨有了...

Thursday 15th February 2007 09:20:47 AM
情人節禮物 - NDSL[ 0 messages] 
General

老公突然有個idea 買一部 NDSL 比我呢個完全不懂打機的人, 不過部機真的好靚, 粉紅色, 希望我識得點玩啦...

Sunday 04th February 2007 10:30:00 PM
我鐘意媽媽[ 0 messages] 
General

今日同卓楠坐在sofa 看dvd 時..佢用他那小手環抱我頸對我說 " 我鐘意媽媽"..我真是樂透...我為了再想聽一次, 我便問他 "你講咩話, 講多一次呀", 佢隨即說 " 我鐘意媽媽"..當然我即時好肉緊的鍚他小臉一下...覺得帶他的日子雖然沒有了自己的時間, 甚至沒有了睡眠時間, 但一切都得到回報, 是值得...

Sunday 28th January 2007 09:56:17 PM
卓楠愛"Jar" 車[ 0 messages] 
General

今日同卓楠去左disneyland, 老公同卓楠去坐Autopia, 卓楠開頭是有點驚, 但係坐完後覺得好好玩, 就成日都話要再坐多一次..好囉, 以後卓楠又多一樣game 可以玩, 唔駛次次都係玩buzzlightyear 咁單調.

Saturday 27th January 2007 08:39:35 PM
火警[ 0 messages] 
General

今天樓下火警

Saturday 27th January 2007 08:36:44 PM
媽媽的短髮[ 0 messages] 
General

今天我去了剪了一頭短髮, 回家時, 卓楠一見我, 就話"媽媽剪頭髮呀?", 我回答他 "係呀, 靚唔靚呀?", 佢說"好靚呀 (仲一邊說一邊摸我的頭), 好似人地咁靚.."  囝囝真係好識氹我..

Thursday 18th January 2007 10:37:51 PM
多謝老公 - 粉紅Omega SpeedMaster[ 0 messages] 
General

老公為了慶祝我為他增添一個小寶寶...特別買了一隻新錶給我..當然係我自己去揀啦...最後我揀了 Omega's Speedmaster (Mother Pearl) 款式, 粉紅色, 好靚呀...老公仲話呢一胎多數係囡囡, 所以好有意思喎...真係比佢激死! 嘻...

真是巧合, 我今天做第3次產檢, Dr Yu 話我肚內的bb 應該是囡囡, 雖然不是100% 肯定, 但是老公話隻錶真是買得合時...哈...

Monday 15th January 2007 08:15:37 PM
新成員..豆豆[ 0 messages] 
General

17W5D

今天特別有一種期待的心情..因為又可以與豆豆見面了..我同卓楠爸準時到Dr Yu 既醫務所登記..我隨即就要驗小便, 今天比較特別就是我要被醫生抽血化驗.我們足足等了個半鐘才可見到醫生..當然第一時間就係見下豆豆先啦..嘻..見到佢手仔係度郁郁下..好得意...醫生為豆豆measure 各部份..說一切正常, 真係安落晒. 但當醫生影住豆豆頭仔時問我 "你睇下有冇兔唇?", 即時緊張起來, 只懂說.."我唔知呀?"  醫生即講笑的說.."仲駛問既, 梗係冇啦", 嚇得我呀! 醫生問我們想要囝囝定囡囡...我即指向卓楠爸由他答...醫生就話"不如要x 啦" ....哈....就咁樣我就可以揾借口去為豆豆買衫衫啦...

Monday 08th January 2007 05:02:10 PM
OSCAR[ 0 messages] 
General

13W2D

今日去左做Oscar, 開頭見到豆豆爬係度, 醫生好困難先度到頸皮, 但係醫生最後都"攪"豆豆, 令佢轉身, 豆豆就飛毛腿一伸...就反過身來...動作其快呀!!! 連續伸了兩次..我真的忍不住笑了出來..但我肚子都受罪了...攪到返到home 都有點不舒服..!!

醫生比左兩張相我, 一張豆豆全相, 另一張就係清楚見到豆豆那5粒腳指仔..好得意..

豆豆..健康成長吧!!

Monday 01st January 2007 10:02:20 PM
孝順仔卓楠[ 0 messages] 
General

我今日因為頸膊痛起不了身, 所以沒有同卓楠去街, 但他見我辛苦的樣子, 同見wing 為我磋背, 他竟然也主動為我搓背, 說"卓楠幫媽媽...卓楠幫媽媽", 我感到他的小手在我頸背周旋..真的好感動..而且覺得很有趣, 即時覺得痛楚少了.!!!

他真的好鍚我, ..每次見我有不開心或不舒服都會氹我..他會走近我咀咀我, 之後就會將他那可愛小手hug hug 我...有時真的比佢氹死哩..!!

卓楠, mummy love you very much!!!!

Friday 15th December 2006 12:53:02 PM
Starting...[ 0 messages] 
General

剛發現原來fotop.net 都可以好似blog 咁, 寫下野..等我唔使四圍走...咁我既朋友仔又可以唔使記咁多個網址啦...

Sunday 12th November 2006 11:21:23 PM
家庭的新成員-豆豆[ 0 messages] 
General

成功了...快樂的家會在不久之後增添多一位小成員, 最開心當然是老公啦..而我是worry 多過開心, 因為身體既不適導致心理都不好受...但是既然已決定了,為左小bb,  我一定要努力!!

Thursday 26th October 2006 09:54:29 PM
中耳炎 之 (2)[ 0 messages] 
General

今日我一直都很擔心卓楠不知會否耳痛, 點知我一放工入門口見到他, 他就對我話媽媽呢度(指著耳仔)無痛啦”… 我真的很開心..亦同時很感動, 因為原來卓楠係知道我好擔心他哩之後我一直陪他到晚上睡覺, 但他不想睡還要我一直陪他看書最後我同老公要軟硬兼施卓楠才肯就範”.  其實我應該開心, 因為他只係見到我才不肯睡覺, 証明他很想我哩..

Wednesday 25th October 2006 11:52:10 PM
中耳炎 之 (1)[ 0 messages] 
General

今日回家, 一見卓楠就很想鍚鍚他, 因為已有一天時開沒有陪他(昨天晚上去飲), 但正想抱他時, 他對我說”呢度(指著耳朵)痛呀..” 而更哭鬧起來,  起初還以為他”咋嬌” 添, 因為工人姐姐說他一直沒有表示不舒服,只係不停叫著 ”媽媽返黎”..但觀察了幾個小時, 發現他真的很不舒服, 所以帶他去看醫生, 原來是中耳發炎呀, 係之前既感冒菌入了耳仔…好彩帶他看醫生, 醫生說他要吃7至10天的消炎藥, 而且要覆診.  回家後吃過藥後就睡了, 只是間歇摸著耳仔說痛痛…我見他這樣內心真的酸起來!

半夜他因為耳痛睡不到而哭了起來..我便抱他安撫他, 著他吃止痛藥…吃過藥後便再睡著, 直至早上8點多, 老公話他沒有再說耳痛了..卓楠真是叻叻!

Tuesday 10th October 2006 11:45:51 PM
踏單車篇 (成熟篇) [ 0 messages] 
General

卓楠現在的單車技術已經到了駕輕就熟既階段了由最初戰戰兢兢到現在充滿自信的在公園裡和我追逐, 時間真的過得很快.  現在每當他見到哥哥姐姐的兩輪(有扶助輪)坐駕,他便會嚷著要買 “BB 識踏呀我同老公都覺得在不久的將來都要幫卓楠換車.

Tuesday 03rd October 2006 07:31:00 PM
說話多多[ 0 messages] 
General

卓楠最近真的講多左很多話呢..佢仲會扮可憐話唔開心.. 係呀..lor”…真係比佢

激死, 又好好笑, 仲會do咀扮唔開心添..! 成日跟人講野, 真係唔知好嬲定好笑!

他每每要我陪他玩時都顯得很開心, 令我覺得我呢個媽媽在卓楠心目中真係好重要.()

Friday 22nd September 2006 11:34:19 PM
Disney Summer Pass[ 0 messages] 
General

今日特意攞了一日annual leave 陪伴卓楠, 下午同他去disneyland, 因為我地買既summer pass 快expire LU..今次應該會係最後一次去, 卓楠一早上學後, 我對他說放學回家午睡後就帶他去disneyland 玩buzzlight year game 同埋睇煙花.  原來他真的明白我說什麼的, 吃過午餐後就立即說 "訓啦..訓完去睇煙花"..真係好好笑..

今次卓楠有同tiger and buzzlight year 合照, 他見到tiger 仲好開心..話好得意..他真的大個仔了, 不再怕怕了..

他今日真的玩得很開心!!

Wednesday 20th September 2006 03:31:49 PM
卓楠康復了[ 0 messages] 
General

卓楠終於康復了...見他精神起我真是放下心頭大石, 但見他變得瘦骨嶙峋, 真的心痛哩!

當他再次回校上課, 可能因為停課一個多星期, 令他有點不習慣, 所以老師告訢我他哭了..還撒尿甚至有點害怕上學, 好彩經過3天的適應, 一切回復正常了!

Saturday 16th September 2006 03:20:13 PM
卓楠病了...心痛死媽咪daddy[ 0 messages] 
General

910日晚零晨第一次嘔吐..一直不停的嘔, 星期日看了兩次醫生都沒有起色, 一啖東西甚至水都落不到肚仔..當日的心情我真的寧願我自己病重多3倍哩星期一帶他睇回原本的兒科醫生, 又吃了一天的藥, 但是情況始終沒有好轉...星期3老公再帶他睇醫生, 醫生見他有點脫水但未需要入院, 建議我們給他喝營養水..希望回有好轉經過了第5天的治療, 好彩卓楠身體已漸漸好起來, 可以吃到稀粥, 雖然卓楠不時都會叫"痛痛", 但是總算精神今天(星期六), 見他已比之前面色好, 活動能力也大了, 我的心才叫做舒服了點

見他由差不多29磅的小肥肥變到現在僅得26, 真的叫我心痛死了! 連他那最"肥美"的腿也變得"苗條"! 唯有待他康復後再慢慢調理.

Monday 11th September 2006 03:39:46 PM
卓楠語錄..."媽媽靚靚"[ 0 messages] 
General

今朝當我換衫番工時..卓楠走入黎, 見到我著住條裙, 突然講媽媽好靚, 跳舞.., 我覺得好好笑..又好開心入到睡房找老公, 囝囝又再講一次媽媽好靚..抱抱跳舞..wing 仲笑我比個囝氹到死死下....

之後卓楠仲要我抱佢跳舞..我諗佢係我"最年輕"既男舞伴...

Saturday 09th September 2006 03:17:24 PM
囝囝的生日歌[ 0 messages] 
General

呢兩日卓楠一早起身就會自己係度唱Happy Birthday to you.....雖然唱時好慢...但係我聽得好開心...唔知係咪學校就黎有生日會, 老師教定他們唱呢...而老公就教他唱"happy birthday to mama..", 真係希望我生日時佢會唱比我聽先啦... , 到時我一定會錄起佢...

Wednesday 06th September 2006 10:34:03 PM
卓楠新玩意[ 0 messages] 
General

卓楠最近我一放工返到屋企...佢一定要我同佢一齊玩單車, 佢坐住架單車, 而要我坐住佢果架豬車...由屋頭追至屋尾....來來回回...我老了...真的不夠精力, 有時真係攰到想死....如果比我再揀..我要早一點生bb先得了..

Sunday 11th June 2006 03:50:32 PM
介奶咀篇...[ 0 messages] 
General

Jun 09, 06  - 第一天

今天有一件重要的事..就係我放工回家著卓楠掉去他的奶咀..他好興奮地拿著奶咀往kitchen 去, 完全沒有不捨得咁把奶咀掉進垃圾筒中..直到睡覺時發現沒有奶咀了...開心的是他只哭了一陣就平靜咁睡著了..到半夜一點多, 他因為睡醒後沒有奶咀而嚎啕大哭...我只好安撫他...半個鐘的紏纏他終於肯飲奶奶後安靜地繼續睡(在睡前他還很温矛的叫我一聲"媽媽"..我的心真的很不舒服..但為著他能早日介掉奶咀..我會一直堅持..希望能早日成功…

Jun 10,06 - 第二天

今日卓楠雖然有時仲會提起"咀咀", 但他會說"唔要咀咀.."dum dum"...冇咀咀"...我亦會重覆地提他.."今天晚上不再要咀咀了, 若半夜肚子餓就叫姐姐開奶奶啦" 他會好像明白咁點頭. 我本以為他不會明白, 怎料到了訓教時, 他只是依戀的叫了幾聲"咀咀"...就沒有再要求了, 所以今夜他在沒有哭鬧的情況下睡著了...而我還擔心他會半夜哭鬧, 真的好開心的他一直睡到6時先醒, 還只是叫姐姐為他開奶奶..飲過奶奶後就繼續再睡..原來他真的明白我說什麼的..我真的好感動他的懂事呢... 希望他能繼續努力啦!!!

Sunday 11th June 2006 03:43:29 PM
踏單車篇...(Jun 8-10, 2006)[ 0 messages] 
General

Jun8, 06

今日卓楠又要我幫他打開他的單車與他玩....他一坐上車上就好有信心的說了一聲"Yia"...便一直向著走廊方向駛去, 咀裡還念念有詞的說著"yia"...因為他只懂直線"行車", 所以每當踫上障礙都只會望住我叫我為他"開路"..我就趁著此時教他控制方向捍, 試過幾次後, 見他對方向捍的掌握已有少少把握...

 

Jun 09, 06 

今日卓楠踏單車(係home), 佢一路"差", 都路叫住"差", 好像在為自己打氣咁..好cute cute…

 

Jun 10, 06

今日好開心, 卓楠識踏單車啦..佢仲好滿足咁展示比T姐姐睇添..佢真係好好笑

Thursday 24th November 2005 03:15:13 PM
卓楠大個囝了!![ 0 messages] 
General

今日係webcam 見到卓楠自己拿著spoon, 1 spoon 1 spoon 咁自己吃著他的午餐...真的好感動呀!!!! 我今日真的覺得在我心目中仍是bb 的他終於大個仔了....

0.229843854904
General(55)
Reading(1)

慦賢直寧寧蝯憍勗僑蝝敹菜鞎澆撖嗉砍憭折憌吁an Francisco Steak House璆蝢瑕蝯憍勗僑蝳桃- BV Wallet嗥 - 鞎媲V舀鞊砍憭雓 - 蝎蝝Omega SpeedMaster摮隞璆Starting...銝剛喟 銋 (2)銝剛喟 銋 (1)頦株蝭 (蝭) 隤芾店憭憭Disney Summer Pass璆摨瑕儔鈭璆鈭...敹甇餃直泥addy璆隤...交璆啁拇隞憟嗅蝭...頦株蝭...(Jun 8-10, 2006)璆憭批鈭!!