話說今日又一個人去城門水塘行左一個圈兼影下相！途中係一個草地旁邊見到隻蜻蜓諗住影下佢啦！睇睇下覺得個位置唔多好，於是諗住行過少少，就一就位啦！咁天生有潔癖既我習慣「步步為營」，因為驚住「踩屎」！唔望又至可，一望落地當堂嚇親！因為係我不足2呎範圍外就有一條毒蛇（過山烏）伸晒頸，一副戰鬥格，怒啤住我！嘩~~~~！嚇死人啦！我當堂呆左！因為佢太細條啦！所以我根本唔知到自己踩左入佢地盤！直至佢伸長條頸我先發現佢！

跟住我唯有慢慢向後「吞」！好彩條蛇都無心戀戰，唔洗一陣間就掉頭走！

生日果然係旺少少！咁到無事，真係要多謝個天保佑！