今日早上就要出發前住九份，原本打算在西門町附近找間鋪頭食早餐，但最後有始有終咁幫襯左M記，間麥記仲要係二樓SHIT。去到台北車站已經差唔多發車，我地就做足熱身落月台等車啦，因為去瑞芳的車程買唔到有座，唯有企到去瑞芳，火車車程大約一個多小時，好在入到車廂後，可以將行李放係行李架，唔係就慘了。

去到瑞芳第一件就係買平溪一日通，車票可以係平溪支線任坐。我們先去九份訂下的民宿放下行李，但原來真係勁多人上山，等車都等好耐，去到仲要玩左一陣定向先找到旅館，原來市下巷冇我地想之中咁易找。浪費了我們不小時間，打亂了我們的計劃。急急腳咁坐車返回瑞芳，車程大約二十分鐘左右，再去火車站月台坐經常誤點既平溪線去菁桐。

去到月台等車，原本是二號月台上車，我們已經守候了各有利位置，點知架火車一來誤點，第二就係去了格離月台=.=。仲因為咁我地差d上唔到車tim~!好在我們都係國內久經受了嚴格訓練，才可以迫到上車。錯過了下一班車要等一個鐘呢。小火車已電力推動，如果在唔多人既時候都尚算舒適。平溪支線沿路車站為：瑞芳, 猴硐, 三貂嶺, 大華, 十分, 望古, 嶺腳, 平溪, 菁桐。。全票 54元 ，半票 27元；當天不限次數上、下平溪線的各個車站。全線車程大約一個多小時左右。
左圖︰唔洗講咁多合照一張先詳情介紹本線線路。

菁桐站︰出車站往左，可達煤咖啡、菁桐銅業館，往右可達竹筒許願車、阿嬤冰棒、順著路走可達日式宿舍、太子賓館、北海道民宿、皇宮茶坊，清水公園，車站月台對面，順著小路上去，往左有洗煤樓，往上走有石辰大斜坑。車站本身就是個景點了。太子賓館只有禮拜六、周日能進去，是孤戀花的場景，那條路上也是貧窮貴公子拍攝地點。

呢到平溪線既車站，最好既一個地方就係可以隨時落路軌行，雖然平時要行都有得比我行，但對其他人有機會近距離認識鐵路，又可拍攝､何嘗不是樂事呢。

平溪鐵路支線是專為採煤礦而闢建，菁桐又是其中最大的礦場，菁桐坑老一輩大都是以採礦為生，1987年停止採礦後，廢礦區位於菁桐車站的正上方，遺留下不少採礦遺跡。其中位於右上山坡上，掀頂房舍相當奇特，怎個四面牆被那生命力強的樹根所包圍，更為奇樹異屋為它們拍照作記錄。樹木磐根錯節寄生於 於牆，創造出一幅幾乎是純粹藝術圖案，真是令人拍案叫覺，大自然創造的生命力，真是不可思議。

時間緊迫我地要轉移陣地啦，由於就黎天黑我地只係可以選擇多一站黎玩，最後我地選了十分。見到右手面果兩幅圖係咪超嚇人呢，冇估錯我地就係要入去呢架車入面啦，仲迫過入黎果陣時~每個人只有一尺位炸。迫火車已經成為我地今日其中一個節目。

迫左半個鐘車之後我地黎到十分車站啦。十分站是平溪鐵路線上最大站，所有往返的火車均在此會車，火車司機將古老的銅製路牌(火車行駛通行證)於本站進行交換任務,以資核准繼續行駛。此外,<十分老街>，<靜安吊橋>也是許多遊客駐足取景留影好地方。由十分站步行走到十分瀑布風景區，是一段美妙的路程，因為十分瀑布即在鐵路旁，所以形成特別的遊玩方法，其中又以走過高懸的鐵橋感受更是令人難忘！

十分呢度真係好多人放天燈，滿天都係，不過亦有些失敗既例子，未升空已經失火。
右圖︰呢幾個年青人齊齊放天燈，我地當然唔放過呢個機會，幫佢地拍低佢地放天燈既過程啦。
下圖︰睇下呢家人齊齊放煙花，真溫馨。

我地原本打算返回九份食好好食的牛肉麵當我們的晚餐，點知生意太好賣晒。唯有聽日再黎過啦，最終我地去左掃街，九份老街晚上比起日間小好多人，亦放便我地轉一轉呢條老街，九份晚上果然係越夜越美。掃完街都未滿足，最後我地去左7仔入滿油先肯返屋企。

由於我地太遲返到民宿，老板黃先生好著急地去左基隆找我地，仲差d搞到報警，真係唔好意思，所以我地要係呢度表揚市下巷民宿的黃先生，比我地呢班港人嚇死~哈。外表你唔覺得呢間民有咩特別，但一入到去就…只聽到嘩聲四起，好正呀。我們book左二樓全層和三樓一間房，每間房都有自己特別既風格，包括印度､日本等等，見到左手面呢幅就知道我地充分利用緊呢個咁大既主題客廳影相啦，經過上次東北之旅既經驗，我出發前已經熟讀EX-580II閃燈既飛燈設定，由於我地有兩支一樣既閃燈，所以可以玩飛燈，利用兩支閃燈同步射出既光線，玩多D變化。由於太好玩成個廳比我地變成影樓咁。讚~~!明天行程打算去金瓜石礦場，希望天氣好轉可以去到啦。

右圖︰呢度係客廳既其中一部份，其實客廳係好合適一班朋友玩既，因為真係夠晒大。可惜我地夜返，冇咩時間可以用下呢個客廳，希望下次再有機會返黎呢度玩下啦。明天早上行程會係九份玩，下午就會開始回程返回台北真接乘坐高鐵去我們終點站高雄市。