由於琴晚玩得盡興，部份團友須留在民宿充電。因為早上旅行團還未到，其餘人就出外拍攝清晨既九份。右圖就係我地今次訂下既民宿外觀，出面睇真係平平冇奇，但原來這裡是櫻野3+1拍攝景點。下圖就係一間已經倒閉左既電影院，可惜人去樓空。

早上既九份真是份外冷清，很多店舖都還未開門，只見昨日繁忙多人既老街，現在只有來住不斷既機車不停穿梭補給物資，為將會上山觀光既遊客做好準備。而我地都做好準備，就係他們還未到既時候盡量影多些相。今日天氣不佳睇黎都要取消去金瓜石的行程，返大本營先。

返到我們的大本營剛好，剛好外面開始下雨，去金瓜石的行程正式取消，下雨甚麼地方都去不到，只好留在家中先食個早餐。早餐係房費包含的，便當包括有蛋治､薯餅､奶茶等。全部都是黃先生幫我們準備的~good~!食過早餐後就繼續進行拍攝工作。由於我地中午才退房，我們有兩個多小時可以玩。琴晚多數影個人的造型照，今日就影下大合照､大頭照､裝備照､賀年照等等。上次東北之旅多數都是外景多，今次因天氣關係多數都是影室內景多。只好寄望去到高雄的時候天氣會好一些。昨晚睇天氣高雄天晴，唔知會否再次見到藍天呢。

下圖︰雖然我地各人農曆新年係台灣，但係我地都不忘為特別製作下面幅圖和香港既朋友拜年，祝大家新年快樂。
右圖︰終於都要離開啦，和六師弟黃先生告別後，我地就火速行軍前住黃先生開設既蛋糕店，因為佢請我地食蛋糕呀~哈~，當然行快兩步啦。

下圖︰呢六件就係黃先生請我地食既蛋糕啦，係咪睇相已經知道好美味呢，他的蛋糕店亦都有很多擺設和公仔，可以供大家拍攝既用途。
右圖︰一見到咁多喼同埋路軌就知我地係火車站等車回台北啦，我地由九份包的士去火車站，一架車200元公價，回程我們都是企位自強號。

企左一個多鐘人都傻~哈，去到台北車站見有時間，我們就分組活動，女仕們分組去了台北車站附近店舖shopping，其餘人則留守台北車站，由於有一個多小時的時間，我們可以看報紙和利用經過的途人來練習追焦技巧，就如右上圖一樣，原來好好玩的，不過成功率都幾低下。第一次座高鐵都好想睇下佢有幾快，幾年前在上海坐座過磁悬浮列車，真係好快，唔知今次高鐵會唔會有當年的感覺呢。睇個外型和我們祖國的和諧號有幾分相似，由台北至左營車程只需個多小時，現代的交通真係方便。

車廂內十分寬敞，光線充足，個人意見覺得座位太硬，如果是軟座就更好了，速度放便不詳，因食左藥一開車就訓著了~哈哈，我地的班次中途只停板橋和台中，所以比較快到達左營，一覺訓醒就去到左營，真係快捷方便。

左圖︰唔講你分分以為這裡係高雄機場，原來呢個係高鐵左營站，真係多麼的華麗，和台北車站真的差很遠。高雄的捷運系統相當之新，應該開通了不久，仲要是西門子列車，進口貨，香港真係在鐵路方面有可取之處。我們坐先到酒店先放下行李，然後就出發去美麗島附近的夜市掃街。

可取之處就係右圖所見啦，這裡是高雄捷運的美麗島站，唔講真係估唔到係一個車站因為香港跟本無可能見到，他們每個車站都有他們獨特的主題，每一個車站都是一個景點。

行夜市行到捷運都收車，於是我們步行去附近一個景點愛河去睇一睇，但覺冇咩特別只係一條普通既河，所以影左幾張相就開始步行回家，行行重行行，行了差不多一個小時左右終於回到家了，基本上我們每天的睡眠時間一天比一天小，因為每天都要爭取多些時間去多點景點參觀，明天是最後一天既行程，我們打算去西子灣參觀炮台､燈塔和打狗領事館等景點。

台灣之旅行程預算

DAY 6

牛肉麵午餐︰500元

九份至瑞芳的士兩架︰400元.

悠遊卡退票連押金︰-1044元

台鐵車票︰480元

當地小食80元

高雄捷運︰200元

高雄捷運︰120元

排骨酸粉︰300元

臭豆腐︰50元

第六天共洗費︰1086元新台弊