Saturday 19th June 2010 11:50:00 PM
My new earrings stand[ 0 messages] General
翻釘左邊耳窿超過兩個月
今日終於買左個耳環架放耳環, 整齊晒
相中o個 D 吊耳環我唔戴的
只係我貪得意改出黎
|
Saturday 10th April 2010 11:45:00 PM
Find back after 10 years......[ 0 messages] General
Today is a happy day for me .........
Beside I leaved that fuxking hell yesterday...........
also I find back one thing which I lose about 10years.
Today I take out the "courage" and my friend take a time to come with
me although he/she little bit against me to do so b4.........
"I pierced my left ear again"
as it disappeared nearly 10 years ........... due to the "disaster"
This time I choose to use "needle" to pierce instead of stupid/danger piercing gun........
n in a professional piercing shop instead of MK those small earring shop
but of course it has a "Cost" la, the cost i need to pay more la.
Just pierced one ear lobe, final cost me about HKD340.......... haha
of course it included everything already
It feel so good n really better than use gun
very fast n really painless, more comfortable than using gun
For earring, this time just using "transparency needle" only instead of normal earring
as........ few ma fan reason
first dunt wanna changed back to "transparency needle" after 1 week b4 work
second becoz my ma fan mum ...........
i and my sis still dunt know y my mum think that pierced boy must a bad
guy or gay or "very woman"......... how come??? now is 21 Century
already.......
So lastly when i back home, i just wear a earphone and pretending listen music and then go back to my room.......... haha
tmr morning sin let her c it herself la (This is my Lovely sis advice)
I really wanna tell my mum.........
I pierced my ear..............
not mean I am bad
not mean I am gay
also not mean I am sad so I need to do so
Just one reason........... i like it .........
Actually I wanna say...... the only pressure to pierced ear again is only..........my mum
hope u will not ask sis/any person so many question or guess many reason yourself after u noted it
(But i think she will must do so after noted it......:-( )
But......... anyway.............
I really very happy now
and wanna say "Million of thanks" to my friend who go with me to do so
Hope my hole will everything ok this time n will not disappear again
|
Sunday 22nd March 2009 11:50:00 PM
Ginger Beer........[ 0 messages] General
今個 Weekend ........
家姐去左德意志出trip
而爸爸媽媽就上左上海飲 full moon
本來我都同埋佢兩老一齊上去
連假都同人掉埋
最後因為我 D 濕疹又........
plus 隻 dog 冇人睇阿媽擔心
所以最後慳返係香港休息下
頭先, 8 點幾開車去機場接兩老
班機9點4 land, 我見9點鬆d已經去到
未落去東涌睇下有冇位擺車
有既話就去買下野食行下
冇既話就去機場算了
點知去到東涌又俾我咁好彩有位擺
仲要係合法位喎
泊好車, 一睇....8至8
正........唔駛入錶
本身唸住去"小你法蘭西"買sandwishes 食
點知已經打左烊
冇計, 咪落地牢間 Taste 買 Bread 食囉
拎左 Bread 之後
咪走去野飲個邊搵埋水啦
去到放野飲個邊
見到袋鼠野飲系列特價
突然之間心入面問左自己一個問題
"唔知第時會唔會有人再買袋鼠Ginger Beer 呢?"
不過我都好快答左自己
"算吧, 都係冇嫁啦, 都係自己買俾自己飲啦"
不過再睇真
超.......冇晒Ginger Beer 既
想買都冇得買
點知再行到出面少少
又見到放左袋鼠野飲
再睇, ee.........
仲有支 Ginger Beer 喎
哈哈, 就咁我就拎左落自己個籃度
買俾媽媽飲啦
(媽媽都好呢隻野, 同埋我而家都唔飲得)
之後就去找數, 找完數後阿爸就已經 Call 黎話等緊行李了........
--------------->
今晚買的袋鼠 Ginger Beer
Background 係爸爸媽媽送俾我的 KA 音樂 CD, 多謝晒
今晚都可以講係"小小幸福"啦
:-)
|
Tuesday 16th December 2008 11:30:00 PM
One letter exchange one letter[ 1 messages] General
Today after 6pm
I received a letter
from my manager (---------->)
One letter exchange one letter
A dream exchange a reality........
But all other things remain unchanged currently ........:-\
(I still do not mail back the old letter yet....)
|
Thursday 27th November 2008 03:30:00 PM
Dream..... is confirmed today.[ 0 messages] General
今日朝早山長水遠去簽埋張 contract......
"Dream..... is confirmed today."
只差星期六朝早出聲.............
本來都有點 Happy, 話晒單野正式 Confirm 晒
本身都好想同兩老正式交代晒成單野........
點知
我慢慢解釋同係咁講
阿媽始終都係唔明我其實我想要d乜.......
始終都係唔明點解上年我離開太古城攪到大家咁唔愉快
始終都係唔明個重點係邊.........
或者可能大家始終年代唔同啦
我唔想再解釋同講咁多..........因為我真係唔想反面
而單野既 details 我都唔會同佢地講
因為佢地而家知既野已經足夠了
完全冇後悔之前未決定個陣冇同佢地講同商量
今日已經証明左我呢個做法係 100% 正確
其實我想要既野好簡單.........
一句真心祝福已經好足夠
唔駛次次同我唸埋邊樣野好邊樣野唔好
可以收到一個簡單但真心o既祝福, 我已經可以好開心
especially if it is came from my family.....
有點兒 down..........唔好攪我, leave me alone :-(
|
Wednesday 19th November 2008 09:45:00 PM
Reality or dream? ..... Dream pls[ 0 messages] General"現實與夢想"
結果以三票"夢想"對兩票"現實"
再plus自己"夢想"的一票
琴日晏晝最後 confirm 揀o左"夢想"
係度要多謝各位"投"過票o既朋友
同埋多謝o個個同我美言過幾句o既"女士" :-)
有時人的確會"做人左右難"
但我會深信一句 "No gamble no gain"
有時d野難得有機會點解唔去試下呢
好定壞都要試過先知嫁啦
反正而家都尚算未老......
又冇自己家室, 更加冇自己o既另一半.....
都可以去試一次
o黎緊 2009 年
會係我人生另一個新開始
|
Monday 17th November 2008 10:35:00 PM
Reality or dream.......???[ 0 messages] General
如果"現實與夢想"放o左o係你前面.......... 你會點選擇呢?
如果早半年前出現咁就好啦
當然o係呢個世界..........
係冇咁prefect 咁match timing o既事情
做人左右難
人生交叉點
聽日做決定
SiuMing
17Nov2008 2235HKT
(Anyway, 點都想多謝o個三位俾過意見我的靚女靚太)
|
Saturday 08th November 2008 11:50:00 PM
Take A Shortweek Break[ 0 messages] General 經過個幾星期既變態工作後
(星期五o個日可以一日之內 update 晒 CX/KQ/UO BKK + CX/PYX + TG/CNX + CX/UO OSA pet, 真係有點變態)
今日終於有個 Short week 放下
轉眼間...... 咁快又過左一個月.....
唔理(彩)我既人繼續唔理(彩)我.....
另外就係 Lo Jen 就快(聽朝)返去袋鼠國囉
本身唸住送套魚翅1:1000貨機俾佢做 Wedding 禮物
之前已經叫左 Fatty 幫我搵人係魚翅城買
不過好明顯就係趕唔切交貨啦.....
於是今日一點起身. 同完阿媽阿爸飲完茶後
咪出去再買過份野俾 Lo Jen 啦
本身有唸過去m08 買過套魚翅1:1000貨機.....
但後來唸唸下..... 都係唔好啦
始終之前叫左 fatty order....
如果而家買左先
第時 fatty 交貨個陣個套邊個要???
(我唔儲1:1000的)
所以都決定而家買住第二d機先
第時 fatty 交貨後先再寄俾佢啦
最初有唸過買袋鼠 380.....
但係個"6"實在太ugly了
連自己都頂唔順
所以最後買左隻 O8 744
呢隻真係幾唔錯
有detail "6"....價錢又相宜
哈哈
不過出得去買野
就緊係順便同自己入埋貨啦
哈哈.... 張相就係今晚 Land 左係 SiuMing Airport 既飛機啦
(從相中你都可以發現我最鍾意d咩機型)
最衰買到隻 Hogon Air India B77W 囉
(其實都預左, 隻野都出左兩個月)
不過其實有檔仲有隻display.....
最初仲以為自己好好彩
點知一拎出黎check
隻野唔見左其中一個"6"囉
所以最後咪冇買到........
返左屋企放低左野食完飯
咪拿拿星拎隻野俾阿 lo jen
多謝你今晚支兜巴星橙汁
今晚返到屋企
不禁有少少 sad
咁又少個可以講到野既朋友.....
或者我真係朋友少啦 :-\
Anyway, Happy Wedding for Lo Jen 啦
(其實佢個老公同我同年的...... 你話我幾大穫呢?)
|
Thursday 18th September 2008 11:30:00 PM
take "CMB" back home today[ 0 messages] General
今晚六點四好快手落樓放工返屋企
行到伊榮街口個陣
竟然見到有部攪牌o既DA轉入邊寧頓街
正當我仲係度唸緊部野行緊乜o既時候
(因為唸極都唸唔到怡和街會有邊條線會出連歐一都冇o既DA咁"特"見)
行近D, 一睇, 哈哈, 116 啊, DA40, 正啊
於是今日就冇特登等金色巴士108
而走左去坐呢部前中巴呢
參考圖片, 唔係今日影的
俾大家知下DA40係部乜車
--------------------------------------->
行到站前面1008 先剛好埋站
我當然唔上等後面啦
未上車已經見到樓上差不多冇晒窗口位
於是上到車咪坐導航位啦
哈哈, 呢部老野果然仲係超爽
個師傅又唔碌幾肯去
不過坐係導航位好似有點焗
(其實唔係冇冷氣, 而係出風唔夠勁)
停完紅隧口落客後, 個師傅見我又攪出風口
就好心話樓上涼 D
不過我話唔上囉, 因為都好快落車
之後佢就冇上客就過左前車 1008 頭囉
最後, 返到屋企樓下落車
落左車睇睇電話, 嘩, 六點十喳, 哈哈
半個鐘唔駛, 放工時間算勁啦
返到屋企沖完涼
見到二家姐覆左我email
佢話俾人篤穿o左佢上星期去玩
唔係佢自己聲稱的 Single Travller, 而係 GV2
哈哈
真係一搭親魚翅或者o個條龍就會冇"私隱"了 :-P
另一邊廂..........
唔知由幾時開始
好似冇人再理"腦細"了 :-\
|
Tuesday 02nd September 2008 11:48:17 PM
Mr Chow's new car[ 0 messages] General
之前阿Mr Chow 因為唔想攪部 B13 個水塘所以suddenly 拎去劏左........
事隔唔係好耐, 今日佢又有新車了
開車前影 --------------------------->
唔該晒今晚車我放工返屋企 :-)
|
Monday 23rd June 2008 11:50:00 PM
A tired monday.......[ 0 messages] General
一個星期又開始了
都好耐冇寫 Blog 了
今個星期阿 Manager out o左 town
星期五先返....
不過王就冇得蛇啦, 勁多野做
Seoul 酒店 Rate 返左......
HX/UO 條 GV2 又出左七月八月價錢 ...
仲有下星期要做老 B大陸
(係我 B 人, 唔係聽人 B).....
唯一好處可能就係
可以六點鬆 D 開始準備放工.......
不過轉眼間咁就做了一個月
其實份野都 OK 既
之後準時六點三放工, 啦啦聲搭車返屋企
返到屋企啦啦聲拎埋 D 野
(阿明塊針板同詩姐件三)
渣車出老尖 CPK 食飯 + 交貨....
講真呢餐飯....
有好多原因
真係唔係咁想食
不過冇計, 有時 D 野唔想都係要硬食
出到去泊好部 G10 啦
去到 CPK 坐低
講真有種陌生既感覺....... 再加上倦
仲有D野食....... 完全唔係以前的 CPK
食左兩個幾鐘之後散場啦
點知行出左出去
先醒起自己冇拎單泊車
好在找數既阿明有拎到
之後俾完錢去拎車啦
去左車我先發現唔見左張泊車飛
搵晒銀包同袋都冇.....
最後未走返去繳費處問有冇漏低左啦
點知一入去條友見到我就已經拎住張飛.......
條友之前掛住找錢冇俾返張飛俾我
跟住我又圍意冇Check .......
次次都緊係有 D 蝦碌野發生喎
不過好在今次再唔係on dog dog 隊 pet pet
或者.......
呢個係我其中一個原因唔想出黎食黎飯啦
拎返張泊車飛出閘後
車左阿明, 明嫂同阿鴨腎出九龍站
跟住見部 G10 出老尖個陣已經著晒(油)燈
咁咪渣去窩打老道中石化入埋油先返屋企
張相係今晚入緊油個陣影 ---------------------------------- ^
不過 D 油真係好拿貴....
入滿有九折都要五百七十幾........
十六個五毫幾一 litre, 超變態
Anyway, 雖然今晚餐飯其實唔係咁想出
不過點都要多謝一聲阿明請左我食呢餐
講真我同阿明整佢塊針板都唔係整左好多時間
係時候上床訓覺
明天起身又係新一日工作既開始了
|
Monday 04th February 2008 03:20:00 AM
Cant sleep again.....[ 0 messages] General
又訓唔著啦.....
可能因為...........
上個星期五 in o左份野
話如冇意外應該過年前會知 result.......
而家都成個星期, 又就快過年
音訊全無
仲要琴日佢又post 廣告出o黎
咁即係點, 唔通又...............:(
都冇搵佢成個幾差唔多有兩個月
唔通真係有點掛住佢........
唔知佢而家點呢?
唉........ 我而家連自己都攪唔掂自己..........
我有咩資格去理人呢? :(
|
Sunday 30th December 2007 11:30:00 PM
Rafaela's baptism[ 0 messages] General
今日聖家節晚上
Rafaela o係跑馬地 St. Margaret Mary's Church 領洗
歡迎佢正式加入主呢個大家庭 :)
兩個幾月大o既 Rafaela
一天比一天"醜怪"呢 ~~~
----------------------------->
-----------------------------
今朝約左"媽媽"o係屋企附近
食o左個 Late Breakfast
正式接收o左
兩隻星航 Triple Seven 飛機(模型)
唔該晒"媽媽"
同埋多謝"媽媽"送o個張
Rhapsody of the Seas o既相
我o地講開野........
"媽媽"話佢有日聽到阿 Stupid 同阿 Fatty 講.......
"舊人橫舊人, 但我都未同過佢傾過計, 叫佢上黎同我 in 吓先啦........"
好明顯我地兩個都估到阿 Stupid 講緊o個個"舊人"係邊個啦
Fine, in 咪 in 囉, 冇乜所謂
反正我都係睇錢份上搵份工打姐
最緊要你唔好到時 in 完之後又係度o禁我價就得
|
Monday 24th December 2007 10:47:15 PM
One year ago.........[ 1 messages] General
估唔到, 咁快咁就一年..........
車牌都拎左一年......
就算要掛P牌而家都可以唔駛再掛囉........
仲有........又係咁就過左一年........
(真係有點見過鬼怕黑)
今晚 Silent Night
阿爸阿媽過左對面海同我o既表妹們慶祝
全間屋就得自己返一條友
跟住頭先落樓下搵食
唸住去美心叫返個cheap cheap 聖誕餐
點知一去到見到個牌
哈哈, 一切正常 (即係賣返平時d野, 冇cheap cheap 聖誕餐)
唉..........都唔知點講好
連想食個cheap cheap 聖誕餐都冇得食
冇計啦, 咁都要醫肚
只好叫左個洋蔥豬扒鐵板食囉
--------------------------->
食完返上屋企
開個msn 同 facebook.......
可以完全一條友都冇, 真係夠晒 silent
不過都唔差, 最起碼 silent 即係冇事發生.......
----------------------------------
上星期六下午, 約左阿 Fatty 出黎食飯 + 攞晒
我地講開
佢問清楚個friend
原來我o個次去海味鋪 in
我係俾個 personel 西左出黎
而唔係個 Red 屎掃把掃走我
佢話 Red 屎到而家都仲係勁 Short 人
只不過個 personel 要請有鬼佬音喎
............:p
我簡直屎得心服口服冇野好講
----------------------------------
等左咁耐, 堅持左咁耐
有 D 野終於 meet 到左我一直以黎想要既 Level 了
前途談判正式展開左.......
Hope I am good luck
|
Monday 10th December 2007 11:30:00 PM
New airport ground foil and........[ 1 messages] General
今日自己玩左一個大入貨(出血)
買o左好多隻好耐之前已經想買o既飛機同配件
今日新買o既餐車 + 機場地皮
----------------------------->
(我o既飛機數量就黎可以突破四字頭........:P)
-----------------------------
呢個世界冇話邊個冇o左邊個唔得.........
要做一個成功既人
就算身邊o既人全部都唔見晒
都要o係任何環境都能夠繼續生存下去........
所以我決定從今日開始
我唔會再理一些唔關我事既野
(另外, 原來 Lo Bro o個句
"沒有女朋友的日子第二天"....係流的.......
原來只不過係o個幾日阿 Jxxy 小姐 out town 去玩
我今晚已經丙o左 Lo Bro 一輪, 好無聊玩野)
|
Sunday 02nd December 2007 03:00:00 AM
What is "Love"???[ 0 messages] General
今晚 (01/12)
約左兩位同我同姓既小姐出黎
本身佢地兩個想話去燒雞翼
好在最後都係燒唔成
去o左山頂食 Burger King.......
我地三個今晚食o既野
--------------------------->
係食緊野期間
正當佢兩條友好開心地"攻擊"緊我既時候
無啦啦
聽到佢地講左
一個我完全冇聽過o既花名........."垃圾"
我聽一頭霧水
完全唔知佢地講緊邊個.......
後來佢地一講話我掉野落垃圾筒.....
我就知佢兩條友講緊邊個啦
我完全估唔到佢兩條友竟然會同佢起花名
聽完之後, 我自己都笑左笑
不過話分兩頭
佢兩條友又冇乜理由同佢起個咁核突既花名喎
話晒都唔關佢事姐
係都係我自己做埋 D 低能野
無啦啦起左個咁核突既花名俾佢, 真無辜
好心佢兩條友玩我就好啦
雖然我呢排我口口聲聲同過人講過
話條野反正都冇用
我遲早搵日就會拎去掉左去.......
講真.......
自己都好清楚知道自己不嬲都係口硬心軟
點會做得出咁絕真係走去掉左條野去啊
雖則條野真係放係度冇用
因為我唔會把條野俾另一個人
而我又好清楚知道條野我都係冇機會再送返俾佢........
(佢呢排都唔再理我..........)
但係點都唔會掉條野落垃圾筒姐
有時我都好想問
究竟 "What is Love?"
睇見阿 Lo Sis 感情同金錢都俾人呃.....
佢呢排係度傻左係度勁食茄汁 (可見上圖有多包茄汁).....
攪到咁真係慘
跟住阿 Lo Bro 又唔知冇啦啦係 MSN show 句
"沒有女朋友的日子第二天"........
點解呢個世界會咁嫁?
有時自己消極咁唸
唔掂感情呢樣野咪唔駛咁煩唔會唔開心囉
又會消極咁唸
幸運地我從未掂過感情呢樣野
所以我(相信 + 應該啦)自己從來冇 hurt 過人
也未試過俾人 hurt.....
但係其實咁唸法又真係好似好消極.....
同埋究竟我自己又係唔係接受到自己到老個陣都係一個 Single 呢?
|
Friday 30th November 2007 10:00:00 PM
Congratulation ~~~ [ 0 messages] General
今日一早起身
就出左門口陪阿乜生去過戶 + 拎車
恭喜晒, 阿乜生啊
今日第一次正式榮登做車主啦
拎左車食埋晏之後
跟住就坐住佢部棍仔B13一齊去左將軍澳
曾相識既 B13 Dashboard
------------------------->
去到將軍澳工業h
我就拎左黎渣左幾轉
哈哈..........
今次係我第一次渣 B13
也係我拎到車牌後就快一年以黎
第一次渣棍仔車
B13 的而且確又幾正, 勁好力水
同我老豆之前再之前
渣o個部 B13 一樣咁正
不過.......... 自己始終渣慣左部自動波既 G10.....
無啦啦渣部棍仔
一下子都攪唔掂個極力子.....:p
所以渣左幾轉之後就俾返阿乜生囉
遲D得閒都要慢慢操返下棍仔車
將來如果環境許可 + 有機會既話
自己都想係梳打埠買返部 B13 玩下
----------------------------
今朝臨出門口前
Send o左封 email 俾阿 Fatty
探下口風睇下海味鋪係唔係真係confirm 泡晒湯.......
同阿乜生攪完佢部車 D 野六點幾返到屋企
一開 email 就見阿 Fatty 已經覆左我
佢話從佢o既 Friend o既消息........
海味鋪個日冇請到人
o個日去group in 既人全部"拜拜".......
.......... 都唔知間海味鋪想點請人........
講真, 其實份野對一般人根本唔吸引
又要山長水遠返工, 又要 Shift
又只係contract唔係長工, 仲要人工連五位都冇........
唔通 D 人真係貪你有得出 Sublo 咩???
自己已經 Short 晒人
出 D 咁既Condition 仲要左挑右挑........
都唔知會有咩人會佢又肯請而條友又肯去做........
跟住阿 Fatty o係封email 度都好識入位啊
又係度拍我門
話俾xyz個數, 叫我再唸唸啦.......
講真.........
其實如果係做船都 OK o既.....
但係個數始終離我 minimum 仲係差兩舊水喎.......
唉.......我都唔知想點.......
|
Thursday 22nd November 2007 10:45:00 PM
Grey........[ 0 messages] General
今日朝早山長水遠去到海味鋪總部玩 Group in....
點知..........
連埋自己得三條友........
玩完兩個 Case discussion
咁個Personnel 同另外個掃把出左去休庭商議啦
之後一返黎
就首先叫左我出去, 仲要出左黎之後close 埋度門先
之後個 Personnel 就俾左封信黎
同我講話 under consideration 我
如果 OK 既話兩星期內會inform 我
如果兩星期後都冇人call 你就......
跟住同我講走得......
唉....... 冇得 final in.....
好明顯 + 眾人既經驗
封信講到好好聽話"Your application is under consideration"
但實際上就係耍走我踢我出局囉.......
至於另外兩條友點既下場我就唔知啦
講真..... 今朝早既表現其實自己覺得都ok既
不過真係有點緊張囉......
唉....... 連 final in 都冇得in 就俾人第一個踢出局...
唉....... 真係有點灰
次次我自己最想要既野臨到最尾埋門一腳就撻 Q
好似永遠d 好野最後都冇我份......
不論係事業定感情都係咁
定係自己其實根本上一直而黎都係一個失敗冇用既人呢
我真係想會有一日可以好自信同所有人講:
"我 Jxxxb Cxxx 係掂啊, 我唔係垃圾"
但係好可惜到今時今日我都仲係乜都冇
仲要仲係一個任性冇用既男仔, 一事冇成咁......
唉.......
好 grey......
冇晒自信........
leave me alone........:-(
我究竟幾時先可以搵到一度地方可以俾我真真正正安定下來呢???
|
Tuesday 20th November 2007 11:40:00 PM
Surprise Call .....[ 0 messages] General
今日四點幾
正當我超級無聊 + 冇野做 + 冇人教我做野個陣
冇啦啦自己個手提有 Call 到..........
一睇個 Caller Number........
e..........海味鋪電話黎喎........
都知道有D野, 啦啦聲攞左支筆衝去後樓梯聽啦
一聽果然係堅野啦
條友問左我幾句之後, 就即刻同我做英文phone interview :P
同佢講完一堆英文之後,
條友就叫我星期乜早上帶埋所有 Cert.正本同相
去海味鋪總部玩 Group in.........
真係冇唸過海味鋪會 Call 我
更加冇唸過就算會Call 我會咁 Q 快就 Call 左我
(其實我都係琴晚先 Online apply)
更加更加冇唸過會叫我海味鋪總部玩 Group in....
Hope I am good luck
and I will try my best :-)
|
Monday 19th November 2007 11:45:00 PM
Christmas........ is coming soon......[ 0 messages] General
今日早上
無啦啦收到阿黃生既 SMS
突然話想今晚約人出黎食飯喎
結果最後Confirm 啦約七點半旺角等.........
咁我六點準時放工走人啦
本身唸住等埋黃生一陣搭車過旺角
點知佢話無啦啦要開會
咁冇法唯有我自己過左去先囉
過到旺角
一條友去左 Langham Place 行
一上到去入面個室內平台
就見呢個畫面
------------------------->
超正
加埋 background 既聖誕音樂
好有 Christmas feel
仲令我而家先知道原來今年聖誕都就快o黎到啦
(雖則之前已經係度勁 Sell 聖誕 Block Seat, 但係自己仲以為仲有好耐先到聖誕 :-p)
講真, 一上去見到咁好聖誕 feel 既地方,
plus 見到周圍一pair一pair 係度影相
心入面就即係唸起自己上年點樣好忙碌但好enjoy地去準備聖誕
但另一方面之後就唸起上年聖誕自己經歷左天堂與地獄係點樣可以係一線之差.........
Anyway........呢 D 係上年聖誕發生既事
係一些已經過左去既事
無論開心定唔開心, 都冇謂再提起了
我對今年既聖誕都冇任何特別期望
我只係想今年聖誕可以平平靜靜, 平平安安咁渡過就已經好足夠了
始終.........Christmas 係我最鍾意既節日
Beside..........其實今日係我第一日返新工
老實講..........感覺都幾唔好吓.........
可能因為又有做"小一第一日返學"既感覺
其實我都唔知呢份新工究竟係咪自己想做同適埋合自己....
其實都有點迷茫.........
Anyway....... finally........
如果大家有乜正工介紹, 都希望你地同我單聲啊, thanks
|
Saturday 10th November 2007 07:45:00 PM
Enough.........[ 0 messages] General
我想再重申一次
夠啦
我真係受夠了
反正做又係俾人小唔做又係俾人小
做完冇人欣賞仲要俾人搵尿射o既野我係唔會再做 + 再理
我已經仲唔夠多野煩
i dunt wanna to talk @ home
受夠 !!!!!!!
|
Saturday 03rd November 2007 10:30:00 PM
Waste .....my time and money[ 0 messages] General
今日下晏, 有間樓上飛機模型 Cafe
攪o左個"飛機模型開倉日展銷會"
咁咪橫掂都冇野做係屋企咪過海睇下囉
之前未去到唸住叫得"開倉"
又聲稱
"是次開倉有過百款飛機模型特價發售"
唸住應該會有好多倉底貨掃啦........
點知去到....... 一眼望晒囉
勁少野賣......... 又唔係特別平
最後stay o左冇五分鐘買左隻CZ A330-200 就走了........
隻野係比出面平少少o既
剛好填返我o既來回過海車錢囉
(運吉咩??)
今日買o個隻中國南方Airbus A330-200 ---------------------->
之後落返地下, 就開始越唸越覺得好唔抵
有乜理由俾成差不多廿蚊來回車錢只係為買五分鐘野???
於是咪搵下 Lo Sis 睇下佢得唔得閒
點知原來佢又冇野做係屋企
於是我地行o左街食飯
後來係太原街仲用左百幾蚊就執到隻 Emirates B777-300
仲要係 Inflight version ,勁抵
臨到就散 band 個陣
我地行過投注站
阿 Lo Sis 見佢未收檔咪想買定聽日六合彩
於是我咪陪佢入去囉
點知, 我一入去.........
就聽到一句"唔好意思.............."
頂........ 乜我個樣好細咩?????........
今時今日入投注站仲俾人"豆"
雖則我都明白阿姐都係做野
但我心中真係唔可以唔講返句"頂........."
個樣好細 + 女人聲
唉, 我真係唔駛旨意有運行啦
或者我自己真係有 D 問題
好 grey x 100
:-( x 100
|
Friday 02nd November 2007 01:30:00 PM
Down...ing.....[ 0 messages] General
阿爸之前成日間唔中係度"黑天鵝白天鵝"整幾句黎嘆
上星期終於可能令我覺得"受夠"了........
之前 Apply 咗幾份
in 完之後就冇晒聲氣
唉...... 仲未有著落
你估我唔想有著落咩???
更何況我而家都有"炒旦"做緊啦
講到我好似蛀米蟲白飲白食咁
我都唔知自己做錯咗D乜.........
有點沮喪............
唔多想再講野.....
覺得講黎都 "Silent day"
今朝.........我 Call 一個女人
點知俾個女人問我
"小姐你叫咩名?"...........
頂...... 又係咁
好grey....
:-(
|
Saturday 20th October 2007 11:45:00 PM
Happy Birthday[ 0 messages] General
之前阿老明講到 Novotel Citygate 個池畔 BBQ Buffet 又平又正
於是我o地三個"鐵三角"約埋去試下啦
可能因為多人啦, 質素都係麻麻地 (都唔知係咪俾阿老明老點)
Anyway 今晚既主要目的當然唔係黎試 Buffet 啦
Happy Birthday 啊, Mon 姐 --------------------->
雖則今日唔係妳既正日, 但係希望都可以俾到D驚喜妳啦
希望妳鍾意o個份我同詩姐夾份買既禮物
老實講, 份野其實係我前幾日先好求其咁買, 仲要好平
But anyway 小小心意啦,
希望妳會鍾意啦
仲有啊, 希望妳既生日願望可以達成啦
希望妳o係未來o既人生旅途中永遠都可以開開心心
另按: 今日係我第一次自己渣車入大嶼山, 好在今次冇發生任何樣衰既事情 :)
|
Sunday 07th October 2007 11:00:00 PM
Welcome to this world......[ 0 messages] General
今日下午.........
我o地陳家新既下一代終於o係 St Teresa's 出黎啦
堂阿哥 Zeno + Rebaca 的愛情結晶品 (囡囡) ------------->
回想起廿幾年前,
我阿媽就係o係呢度 St Teresa's 把我帶黎呢個世界上
今時今日, 阿媽阿爸養大左我都變老了
其實應該咁講, 慢慢都開始自己都唔細啦
但係對我黎講, 唔好講生仔, 就算是結婚都好似係好遙遠既事
什至都唔知道會唔會有機會係我身上發生呢?
連我自己都唔知, 點算好........
Anyway, 有時D野都冇得唸咁大多啦
今日見到個b 自己都覺得開心 (自己做左堂阿叔 :p)
同埋講真, 我覺得, 豬(仔年)女係好野黎啊
|
Thursday 09th August 2007 10:30:00 PM
剪不斷理還亂[ 0 messages] General
"剪不斷理還亂"
大家知唔知呢句點解啊?
我今日第一次睇到個陣完全唔知呢句野乜頭乜路...........
經過今晚去 Yahoo 查証, 我而家終於知道呢句野究竟係乜來頭
"剪不斷 理還亂"是出自李煜(李後主)的詞 —《相見歡》
李煜.《相見歡》
-----------------------
林花謝了春紅,太匆匆。
無奈朝來寒雨晚來風。
胭脂淚,相留醉,幾時重?
自是人生長恨水長東!
.............又......................
無言獨上西樓,月如鈎
寂寞梧桐深院鎖清秋。
剪不斷,理還亂,是離愁,
別有一般滋味在心頭。
[剪不斷,理還亂]
在詞裡是以絲來形容愁亂,滿腹的愁絲,剪又剪不斷,
越理却越亂。這種滋味,非親身歷其境者不能寫出。
Copied from
http://hk.knowledge.yahoo.com/question/?qid=7006062000258
都唔知係呢句野深定係我冇文化........
我之前完全冇聽過
雖則我中學時代有讀過文學
不過我當年文學會考係拎 Uncle 的........ (都話我唔係文人啦)
---------------------
講完呢句野點解之後, 係時候講返我自己
點解我無啦啦會接觸到呢句野?
話說.......... 今日下午六點半左右, 出面落緊狗屎
係屋企無聊冇野做開住個 MSN .......
Suddenly 我個 Friend send 個 message 過黎
個 message o既內容就係"剪不斷理還亂"呢六隻字
我睇到之後頭都大晒完全唔知句野講乜
咁我咪應佢"唔明"囉
跟住佢只係覆左一個"坎頭埋牆激死"既表情
之後就冇再講野.........
而家知道o左句野解乜, 我反而仲更加頭都大晒
我都唔知佢無啦啦講句咁野做乜.......
唔通佢係度做傳聲筒........
只係過一個多星期..........
唔通有時D野真係我點走都走唔甩
我自己究竟又想點呢.............
唉..... 我唔想 get 錯 meaning .......
更加唔想亂唸野
我真係好怕個種"天堂同地獄"只係一線之差的感覺
我好怕個種以為自己係天堂, 點知後來先發現自己其實係地獄.......
我唔係一個蠢人, 只不過可能我係一個冇膽鬼.......
|
Wednesday 11th July 2007 11:45:00 PM
Heart Bleeding.....[ 0 messages] General
點解?
點解呢句說話會出自係妳身上...........
出自o係一個我一直當佢係最好朋友的身上
係我而家最低潮最想有人支持撐住的時候
偏偏妳就選擇係呢個時候講左句咁o既說話.........
就好似要同我劃清界線咁.........
可能.........
妳一直都冇當過我係妳既好朋友
什至乎可能妳一直以黎都只當我o係妳其中一個普通同事擺了
或者, 可能咁樣對我黎講.......
係一種解脫
有什麼惡劣o既情況我未見過......... :-(
|
Wednesday 11th July 2007 04:30:00 PM
Intersect point of life....[ 0 messages] General
每一種關係, 不論係屋企定朋友定情侶都好
當中間一冇左信任, 其實遘就已經冇晒基礎.....
即係等於完了
又到人生交叉點時間..........
呢排唔想聽不必要既野
呢排也唔想講不必要既野........
呢排我都係忽上忽落.......
:-( @ Office
|
Tuesday 10th July 2007 11:30:00 PM
Thank you.......[ 0 messages] General 琴日係MSN度打左句"心灰意冷"之後........ 整日都有 Friends send message 個黎問我有冇事...
雖然呢排 D 野唔係咁如意 但係都開心我身邊仲有班好朋友
其實我都到而家都未有最後決定..... 不過係度都想多謝所有今日身邊關心過我o既人 雖則實際上你地幫到D乜, 但係真係好多謝你地o係 Background 既支持
(排名不分先後) Lo Bro, 記憶體, 占美, "媽媽", 嗚哥 .......... 應該冇數少啦 多謝你o地啊
|
Sunday 06th May 2007 11:50:00 PM
Goodbye my 1/3 car :-)[ 0 messages] General
剛剛阿馬生 Call 黎
話我地馬交部車 confirm 賣得出
星期二朝早交車俾人
好啦, 終於可以離到場啦
仲可以有D錢可以落返袋, 正
講真, 呢部錢七 MX-6
之前坐就坐得多
但自己一次都未渣過
舊年年尾我同阿馬生同阿占美
夾錢養呢部野
所以我就咁就做左呢部野既1/3車主啦
之後冇耐我就拎到車牌
但係一直都冇時間過馬交
到上個星期, 阿馬生通知
話有人有興趣要我地部錢七
咁我都唸住睇下趕唔趕到
黎緊星期六日過去渣返轉
點知而家星期二就要交車
哈哈, 冇所謂啦, 最緊要就係可以套現, 正
要渣車? 咪留返係香港渣啦
再見啦, 熱狗 MX-6
|
Saturday 05th May 2007 11:45:00 PM
Thank you very much, Lo Sis[ 0 messages] General
真係要多謝晒阿老 Sis
今晚換飛請我+陪我睇孫燕姿.....
之前都知道孫燕姿開拉闊
不過自己又唔夠分換飛
所以之前都冇唸會有得睇
總算令到我今年o既 Silent Day 有點 Surprise
多謝晒你啊, 老 Sis
不過個 Asia World Expo 真係有點唔掂
二萬五分o既貴飛都係睇得唔清楚(好遠)
------------------>
到孫燕姿唱最後o個幾隻歌個陣
坐後面D人突然之間衝晒去前面
跟住本身坐係前面既人又企晒係度
坐係度連大銀幕都完全睇唔到........
最後火鬼滾
我同老 Sis 唔理咁多企上張櫈上面
企左上去又幾正, 有D似睇鬼佬演唱會 feel
拍住手聽住孫燕姿最尾唱綠光, 正
聽完之後都覺得幾開心
總算係令我今年o既 Silent Day 帶來一些快樂
因為其實今年o既 Silent Day 自己都唔係咁開心
上個星期Silent Day 之前o個日
突然之間自己有D唔好o既情緒湧左上黎
變o左心入面有點傷感
可能又係自己亂咁唸大多左野啦
不過今年o既 Silent Day 總算平安冇事渡過
其實都已經好好啦, 冇爆大穫野
|
Sunday 29th April 2007 03:00:00 PM
"Free" night[ 0 messages] General
今個週末阿媽阿爸走左上大陸玩
咁就俾左個難得機會做下甩繩馬騮, 哈哈
下午放左工, 要和新同事去西貢燒雞翼
講真, 都有點無聊.....
一黎我地"鐵三角"其中一隻角病左去唔到
二黎自己都唔係好舒服,
老實講燒雞翼食得d乜.......
三黎冇得揸車去, 燒雞翼個度又隔攝
攪到山長水遠要搭車出入, 真煩
最後我都係"應酬"左幾個鐘之後提早閃人
趕住去我今日真正既戲玉啦
戲玉就係趁老豆唔係香港
拎佢部車出黎玩啦
於是我就閃人之後, 那那淋返屋企攞車出動
Join 埋阿占美, 成七點幾先出發 (西貢出返黎塞車.......)
首先, 一開車過海上山頂,
去到初初冇錶位泊車
咁冇錶位咁唸住一係泊山頂廣場,
點知一睇, 40蚊個鐘?!?! 咁q貴???
好在之後再兜就有錶位, 4蚊個鐘, 哈哈
泊低左部車後, 就去左 Peak Tower 間 Burger King 醫肚
我食左個 BK Fish 餐, 好食過屎老 Mac 好多陪
食完之後, 拎返部車上左山頂公園
我地攞晒腳架唸住影夜景, 點知.......
本身天氣已經唔係好, 仲要勁大風, 連腳架都企唔定 , 點影???
所以我地最後放棄左影
跟住我地落返山去左淺水灣, 再去赤柱, 坐下行下傾下計
之後再經大潭道, 東區走廊, 紅隧, 獅隧車返占美返大圍屋企
最後放低左占美後, 我就自己揸返屋企,
個陣已經好"早", 我仲要自己"屎忽行"去行大老山........哈哈
單管雙程行車, 自己都未試過揸,
夜晚自己一條友揸住車, 同之前有占美係度又唔同,
條街又冇乜車, 又靜, 可以唸下野, 幾正幾爽
最後我返到屋企泊好部車, 已經係朝早三點三了........
hehe, 你話如果阿媽阿爸係香港個陣,
我可唔可以好似今晚咁樣玩法呢? 呵呵
---------------
就黎就到"阿媽受難日紀念廿五週年"
又老一年了, 真係話細又唔細, 話老又唔係好老
但係有時唸唸下都唔知自己過去廿四年幾做過D乜........
|
Tuesday 10th April 2007 11:00:00 PM
Last Day @ Taikoo Shing[ 0 messages] General
太古城既歲月, 再見了
多謝晒各位幫過我同請過我食飯既同事
仲要多謝晒師傅當年好有心機
教我地三個"鐵三角"
我地三個走o既時候都為自己覺得驕傲
因為最起碼到我地三個到走個刻,
都冇爆過任何一隻大穫
我同師傅今日影 ---------------------------->
|
Friday 16th February 2007 11:50:00 PM
Drive a car to work[ 0 messages] General
今日係狗年最後一日返工..........
(其實立左春已經係豬年,
只不過未到年初一姐)
趁老豆今日唔駛返工
於是我就拎左佢部車渣返工
就係因為咁,
今日就製造左幾個我既"第一次"
- 第一次渣車返工
- 第一次自己渣車過海
今朝返工泊完車後影
我特登泊開D既, 因為個邊大把位
(之後仲要行十分鐘返公司)
---------------------------->
最後都平平安安渣部車放工返到屋企
(總算冇嚇親阿媽)
不過其實costing 都唔平
隧道錢已經五十蚊
同埋又要泊車攞車,
所以實際唔係慳好多時間
不過又真係幾過隱既, 唔駛趕巴士
都要講聲多謝老豆肯俾佢部車渣返工
仲有要多謝阿叔借張 Parking Card 俾我, 等我泊車唔駛錢
--------------------------------------------------
希望明年豬年我會有一個好開始同新開始啦
|
Thursday 25th January 2007 11:15:00 PM
Everything is gone...........[ 0 messages] General
今日..........終於正式倒數完畢
比原定早左一日, 剛剛過左一個月........
一切都正式成為過去
發生左既野發生左就係發生左, 冇得返轉頭
再見十五樓既歲月了...........
係時候讓過去的過去了
聽日, 我又會有一個新既 Challenge
希望我聽日可以發揮到自己應有既表現啦
呢排其實心入面都好煩
自己好似做緊一隻迷途小高羊
煩緊自己將來條路應該點樣行................
其實自己都會對自己有企望
希望十年後(左右)既自己除左可以養得起自己之外
更可以供到一層自己既樓 and/or 養到一部靚少少既車俾自己玩
唔會一無事處, 乜成就都冇
不過講真, 十年後既我究竟會變成點呢?
我自己而家可以做既就係努力, 希望將來會有好成果啦
|
Wednesday 10th January 2007 10:00:00 PM
Everything is too late.......[ 0 messages] General
今朝九點幾聽聽下電話
俾阿 Manager 叫o左入房 (我係第一個今日俾佢叫)
講加人工
入到一睇封信, 一睇......
個銀碼竟然比我想像仲要高.....
(之前都估到佢唔敢加得少俾我)
見完返出黎
講真真係冇乜特別開心興奮
感觸就有一堆
一方面都高興有人認同自己既表現
但另一方面又會覺得, 所有都野已經太遲了........
所以我都冇心機同任何人提今朝呢單野
我由細到大(到而家都係)有個都唔知係好定壞既性格
就係一決定左一野樣就冇人冇野可以改變我既決定了
好聽就可以叫"有一份堅持"
唔好聽D其實可以叫"執著", 什至乎衰D講係"硬頸"
Everything is too late
and everything is on process to go ahead already .......
Hope I am good luck
|
Monday 08th January 2007 10:30:00 PM
A story[ 0 messages] General
今日放工搭車返屋企
突然之間俾我唸到一個好無聊既故仔
-------------------------------------
話說好耐好耐之前有一個農夫
一年前佢搵到有塊田
佢終於可以有機會去種野
佢係呢塊田到不斷好努力係咁種蘋果
除此之外, 佢係塊田既一個角落種了一朵花
個農夫日日都好花心機照顧呢朵花, 日日都幫佢淋水.......
d 蘋果同朵花就係咁一天一天咁成長
過左大半年後
d 蘋果樹上既蘋果終於可以摘落黎
農夫好滿意個收成, 因為呢D係佢過去大半年有血有汗既成果
但係農夫收完成之後, 學識左點樣種蘋果
於是佢就開始唸
究竟我再繼續種蘋果等多次收成好? 定係學去搵另一塊田種另一種水果呢?
另一邊廂
在一個角落個朵花經過大半年既生長
已經變成了一朵又大又靚既花了
睇黎農夫可能就快可以摘朵花出黎啦
大家眼見農夫好似好幸福
又有一大堆蘋果收成
又有一朵又大又靚同可能就快可以摘出黎既花
但係呢個世界又點會咁完滿咁完美.........
有一晚個農夫係出面玩到好夜先返屋企
可能個農夫個晚實在玩得太開心, 加上天色黑暗
農夫一如以往經過自己塊田返屋企個陣
佢竟然一個唔小心一隻腳踩左落朵花度.......
朵花就係咁就爛左
個陣時個農夫仲要戇居居唔知自己已經踩爛左朵花
繼續行返屋企
到佢返到屋企坐低左一陣
唸唸下先覺得求先返屋企個陣好似踩到d野
呢個時候, 個農夫即係拿住電筒跑出屋外,
係咁周圍照, 都見唔到朵花, 個陣佢都深知不妙,
再跑去個角落頭度, 一照個地下,
就見到一朵已經俾人踩扁左已經爛晒既花............
個農夫一見到朵花
即刻係咁想盡方法去想令朵花企返起身好似之前咁
但係佢最後都發現自己最終都係冇辦法
因為朵花已經俾自己一隻腳踩爛左, 點都唔會再企返起身好似之前咁
日日睇住個朵俾自己一隻腳踩爛左既花.......
農夫從此就開始好內疚好傷心..........
農夫成日都會問自己
"點解我個晚要玩到咁夜先返屋企呢? 如果唔係咁夜返屋企就會因為天色太黑而踩到朵花啦"
曾幾何時, 個農夫曾經有事要辦, 出左城差不多兩個月
係個兩個月黎個農夫只返過去塊田到兩三次同朵花淋水
個陣個農夫其實都好驚朵花因為咁會"謝"
最後朵花都冇"謝"度,
農夫正式由城返黎努力日日淋水照顧, 朵花好快就回復返出城前咁靚
但農夫點都冇唸過, 朵花最後"謝"左, 係衰自己手上..........
就係咁
農夫最後就決定左唔再繼續種蘋果等多次收成
農夫覺得自己唔可以一世人只識種蘋果,
因為只係得佢而家呢塊田先至可以種到蘋果, 其他田係唔種到蘋果
如果佢只係識種蘋果既話, 就只可以永遠留係呢田
所以佢決定要出去搵個另一塊田去學種其他水果
更何況農夫已經得到左蘋果收成,
同埋農夫覺得最珍貴既花..........
都唔好講話可唔可以摘出黎, 而家連農夫只係想欣賞一下都冇機會了, 有時做左既野就係冇得返轉頭
試唸下農夫再留低有咩意思........
當農夫搵到另一塊可以種第二樣水果既田的時候
就係農夫離開個塊只可以種蘋果既田的時候
-------------------------------------
以上故仔純粹虛構
睇得明就明
睇唔明既就唔好問我個故仔係度講乜
(因為只係純粹故仔關係, 所以冇相)
|
Wednesday 20th December 2006 11:30:00 PM
Many many biscuits ar..........[ 0 messages] General
今朝一返到公司
就見自己抬頭有一袋 Marks & Spencer 野...........好大袋啊
話說之前有個人應承左我
如果我一次 Pass 到個路試就請我食餅餅
之後我上個星期四就咁冇S攪掂左
但係我冇唸個傻妹會買咁大袋囉
我邊食得晒啊?
其實求其買少少就得啦, 我都想要返個象徵意義姐......
我真係覺得有點唔好意思, 要佢(妳)無啦啦破費添
(早知係咁就唔叫佢(妳)請我食餅餅啦)
不過全部我都好鍾意食啊,
所以全部俾我拎晒返屋企, 哈哈
個袋入面既野
---------------------------->
"多謝晒妳"啊
最後都想同個傻妹講幾句
"加油努力啊, 要對自己有信心啊
有機會既話就好好把握啦, 唔好再留係個鬼地方"
|
Friday 08th December 2006 11:30:00 PM
Boring night .....[ 0 messages] General
正式回巢左一個星期
我就足足"自閉"左一個星期
返左去
有種感覺..........
就係好似 D 景物唔係依舊
原本個位又俾新同事坐 Q 左, 搬左去坐個"自閉"位, 個鐵三角就咁消失..........
可能我已經同呢度脫左節
又或者可能因為仲未慣個種"壓迫"o既工作
原本今個星期放大假
後來因為離島個邊唔夠人用而放棄算啦
但最後我都突然回左巢, 但係大假就咁冇左
唔多唔少有 D 俾人呃既感覺.........
有成7日假Carry 去下年俾我可以用黎做D乜?????
今晚公司Official 聯誼
好鬼悶 + 好鬼無聊
係度浪費時間玩埋d無聊遊戲
送埋d 垃圾禮物 + 成場又冇乜野食 + 又唔好食
結果最後都係冇等到散場就閃左
我做野o個 Team 既合照
---------------------------->
有陣時我真係想向全世界既人講
我唔係一個波..........
更加唔係一個女仔...........
唔該我係一個如假包換既 Boy 黎啊!!!!!
發完勞騒
幸好這個星期就快會過去了
|
Thursday 30th November 2006 11:30:00 PM
Surprise again .....[ 0 messages] General
今日先俾人知會聽日我要正式回巢了
真係夠晒"驚"喜
簡直繼"狼來了"後又另一"傑作"
一個返左個幾月工既地方
---------------------------->
再見啦
|
Thursday 23rd November 2006 08:30:00 PM
The Sun is back[ 0 messages] General
經過星期二落狗屎, 琴日o既天陰陰, 今日總算有返點陽光啦
琴日趁天陰陰拉起我個位隔離隻窗個窗廉, 之後冇再拉返落黎.............
今朝返到去, 有少少太陽射左去我個位
好正, 終於唔駛屎氣沈沈, 人都精神 D
(一直以黎個office 既窗廉都係拉晒落黎, 基本完全分唔到日夜的)
係我個位影出去的, 個view ok 嗎?
---------------------------->
呢幾日返工都幾無聊,
冇乜 call 入又冇乜 Q 要清...........
長時間好無聊咁等 call 黎
臨食 Lunch 仲竟然好無聊好快手咁幫人執到兩隻屎雞.........
我不停 mon 住成朝啊, 真係好得閒
哈哈 :-D
-----------------------
就係咁就過左一天既工作
|
Saturday 11th November 2006 10:00:00 PM
Goodbye Central Star Ferry Pier[ 0 messages] General
今日星期六 Long week 要返 Half Day
之前安排好晒放工之後既節目
點知返左工先知行程 Cancel.............
於是便臨急臨忙約 Friend 係老尖食飯 (唔想咁快返屋企咁悶)
就係咁咪搭 720 出中環轉船
順道同天星碼頭講聲 Goodbye
不過因為係臨急臨忙改 Plan
所以我連 DC 都冇帶, 唯有用電話係咁二影幾張啦
想睇相可以去呢度
好有當年啟德機場臨 Close 個陣既 feel ---------------------------->
食完飯行左陣之後仲去左唱 K
都真係好耐冇唱過 K 囉, 唱到差唔多成九點先走
-----------------------
呢個幾月o黎我身邊已經發生過幾單"狼來了"了
成日把我由平點拋到高處跟住最後跌到落谷底.............
好厭倦呢種感覺, 我寧願一開始就唔好俾我任何希望好過, 等我唔會有任何o既期待..............
有時候真係有點咀喪同無所適從 :-/
|